Dünya İqtisadi Forumu bütün hüquqları qorunur. İngilis dilində orjinal adı və naşiri
Yüklə 0,72 Mb. Pdf görüntüsü
|
|
3.5. Fərd
Dördüncü sənaye inqilabı yalnız etdiklərimizi deyil, həm də kimliyimizi dəyişdirir. İnqilabın fərdlər üzərindəki təsiri müxtə- lifdir. O kimliyimizə və onun məhrəmlik hissimiz, sahiblik anla- yışımız, istehlak qəliblərimiz, iş və istirahətə ayırdığımız zaman, karyeramızı necə inkişaf etdirdiyimiz, bacarıqlarımızı necə təmin etdiyimiz kimi müxtəlif tərəfl ərinə təsir göstərir. Bu, həm də insan- larla təşkil etdiyimiz görüşlərə və qurduğumuz münasibətlərə, asılı olduğumuz ierarxiyalara, sağlamlığımıza təsir edir. Bəlkə də tezlik- lə, bu, insan inkişafının elə bir forması ilə nəticələnəcək ki, bizim insan varlığının təbiətini yenidən nəzərdən keçirməmizə səbəb ola- caqdır. Yüksək sürətlə davam edən bu dəyişikliklər həm həyəcan, həm də qorxu yaradır. İndiyə qədər texnologiya bizə ilk növbədə şeyləri daha asan, daha sürətli və daha məhsuldar formalarda etmək imkanı yaratdı və eyni zamanda, şəxsi inkişafımız üçün fürsətlər təqdim etdi. Lakin biz görürük ki, bundan daha çoxunu əldə edə bilərik. Daha əvvəl qeyd edilən bütün o səbəblərdən irəli gələrək insanların özlərini daim uyğunlaşdırmasını tələb edəcək radikal bir sistem dəyişikli- yinin astanasındayıq. Nəticədə, dünyada dəyişikliyi qəbul edənlər- T Ə S İ RL Ə R 113 lərlə onlara qarşı dirənənlər arasında artan ölçüdə bir qütbləşməyə şahid ola bilərik. Bu, daha əvvəl təsvir edilmiş ictimai qütbləşmədən daha dərin bir bərabərsizliyin ortaya çıxmasıdır. Bu onotoloji bərabərsizlik, uyğunlaşanlar ilə qarşı çıxanları - sözün bütün mənalarında qaza- nanlar ilə itirənləri – ayırd edəcəkdir. Qazananlar, dördüncü sənaye inqilabının (gen mühəndisliyi kimi) müəyyən hissələrinin ortaya çıxaracağı radikal insan təkmilləşdirməsinin itirənlərin məhrum olacağı bu və ya digər formasından da fayda əldə edəcəkdir. Bu, daha əvvəl gördüklərimizə qətiyyən bənzəməyən sinfi münaqişələri və başqa ziddiyyətləri yarada bilər. Bu potensial bölünmə və onun doğuracağı gərginliklər rəqəmsal bir dünyada yetişmiş və sadəcə onu tanıyanlar ilə belə olmayan və özlərini uyğunlaşdırmaq məc- buriyyətində qalanlar arasında nəsil bölünməsi tərəfindən daha da alovlandırılacaqdır. Bütün bunlar isə bir çox etik məsələni gündə- liyə gətirəcəkdir. Bir mühəndis kimi mən texnologiya vurğunuyam və onu daha tez mənimsəyənlərdən sayılıram. Yenə də bir çox psixoloq və sosial elm adamı kimi texnologiyanın qarşısıalınmaz formada həyatımıza inteqrasiya edilməsinin kimlik anlayışımıza necə təsir edəcəyi və özünəbaxış, empati və mərhəmət kimi insana xas olan bacarıqları- mızı azaldıb-azaltmayacağı mənə maraqlıdır. Yüklə 0,72 Mb. Dostları ilə paylaş:
|