Əczaçı (orta) ixtisası üzrə nümunəvi test sualları Bölmə Əczaçılığın təşkili və iqtisadiyyatı ixtisası üzrə test tapşırıqları

591) Bitkilərdən hansı bürüyücü dərman maddəsi kimi istifadə edilir?
A) Ürəkvari cökə

B) Dəlibəng

C) Qara batbat

D) Dərman gülxətmisi.

E) Adi moruq
Gülxətminin kökündə 35% selik maddəsi olduğu üçün bürüyücü təsir göstərir, digər bitkilərdə bu maddə yoxdur.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh.80-81.
592) Bitkilərdən hansı kardiotonik təsirə malikdir?
A) Gülxətmi kökü

B) Bağayarpağı otu

C) Cökə çiçəyi

D) Jenşen kökü

E) Xoruzgülü
Xoruzgülü otunun tərkibində strofantidinin və adonitoksigeninin törəmələri olan kardenolidlər vardır. Preparatları kardiotonik təsirə malikdir.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh. 279.