Alqoritmin sözlərlə təsviri. Alqoritm sözlərlə təsviri zamanı əməliyyatlar ardıcıllığı və verilənlərin emalı insanların qarşılıqlı ünsiyyət dilində-təbii dildə verilir. Alqoritmin sözlərlə təsvirinin asan olmasına baxmayaraq, onun əyaniliyi yoxdur və çox yer tutur.
Alqoritmin blok-sxemlə təsviri.Proqramlaşdırmada əsasən alqoritmin qrafik təsvirlərindən geniş istifadə olunur. Alqoritmin qrafik, blok-sexmlə təsvirində sözlərdən və riyazi elementlərdən istifadə olunması onun başa düşülməsini asanlaşdırır. Alqoritmi təşkil edən mərhələlər müəyyən ölçü və formaya malik həndəsi fiqurlar (bloklar)vasitəsi ilə təsvir edilir. Əməliyyatların yerinə yetirilməsi ardıcıllığı oxların (→) köməyi ilə göstərilir. Blokların həm girişi, həm də çıxışı olduğu halda, “başlanğıc” blokun ancaq çıxışı, “son” bolkun isə ancaq girişi olur.
