|
MƏTNİ İNFORMASİYALARLA İŞİN TEXNOLOGİYASI
Bilirik ki, mətni informasiyalar hərf, rəqəm, müxtəlif işarələr və.s-dən istifadə edilməklə tərtib edilir və hər bir simvola onun kodu uyğun gəlməklə kompüterin yaddaşında ədədi informasiyalar şəklində təsvir olunur.
Mətni informasiyalarla bağlı mövzunu öyrənərkən aparat vasitələrinə, mətni redaktor mühitinə, iş rejiminə, mətni redaktorun əmrləri ilə iş və mətni redaktorda emal edilən verilənlərin öyrənilməsinə diqqət yetirmək lazımdır.
Aparat vasitələri. Mətni redaktordan istifadə edərək mətni sənəd hazırlamaq üçün şagird kompüterin əsas qurğuları, o cümlədən klaviatura, displey, kompüterin yaddaşı ilə tanış olmalı, onlarda işləmək bacarıq və vərdişlərinə malik olmalıdır.
Bu baxımdan şagirdləri:
Klaviaturanın qurluşu, onun düymələri, düymələrin vəzifələri ilə tanış etməli və klaviaturada işləmək vərdişlərinin yaradılmasına çalışmalıdır;
Informasiyaların ekranda alınması ilə məlumatlandırmalı, onların işıqlanan nöqtələr vasitəsilə təsvir olunduğunu, həmçinin ekranın iki (mətni və qrafiki) rejimdə isləməsi haqqında danışmalıdır;
Kompüterin əməli və xarici yaddaşı ilə tanışlıq etməli, bu yaddaçlardan necə istifadə olunması barədə məlumat verməlidir.
Dostları ilə paylaş: |
