Tədqiqat aparmaqda məqsəd Bakı ticarətində satılan müxtəlif markalı zeytun yağlarının keyfiyyətini tədqiq etməkdir. Zeytun yağlarının keyfiyyətinin tədqiqində məqsəd onların keyfiyyətinin həm hiss üzvləri ilə təyin olunan göstəricilər (orqanoleptiki göstəricilər) və həm də fiziki-kimyəvi göstəricilər üzrə normativ-texniki sənədlərin tələbinə uyğunluğunu müəyyən etməkdir.
Tədqiqat obyekti.Tədqiqat aparmaq üçün “Azersun Holdinq” şirkətlər qrupunun nəzdində fəaliyyət göstərən “Bakı Yağ və Qida Fabriki” MMC-də istehsal olunan Olive Oil markalı “Final” zeytun yağı, saflaşdırılmış “Zeytun bağları” yağı və İspaniyadan idxal olunan Pomace markalı zeytun yağı götürülmüşdür.
