Tədqiqatın əsas vəzifələri və məqsədi.Tədqiqat aparmaqda məqsəd “Bakı Yağ və Qida Fabriki” MMC-də istehsal olunan zeytun yağlarının çeşidini, keyfiyyət göstəricilərini və ekoloji təmizliyini öyrənməkdir. Eyni zamanda xaricdən gətirilən Pomace markalı zeytun yağının keyfiyyətini öyrənib onu vətənimizdə istehsal olunan zeytun yağları ilə müqayisə etməkdir.
Tədqiqatın informasiya bazası və işlənməsi metodikası.Monoqrafiyanın yazılmasında Azərbaycan və rus dillərində 53 adda ədəbiyyatdan, 80 adda normativ-texniki sənədlərdən və “Bakı Yağ və Qida Fabriki” MMC- nin materiallarından istifadə olunmuşdur. “Bakı Yağ və Qida Fabriki” MMC- də istehsal olunan zeytun yağlarının orqanoleptiki və fiziki-kimyəvi göstəriciləri qüvvədə olan standartlara müvafiq olaraq müasir tədqiqat üsulları ilə öyrənilmişdir. Tədqiqat üsulları istifadə olunan dərsliklərdə (8), dərs vəsaitlərində (30) və metodiki vəsaitlərdə (7, 50) geniş verilmişdir. Biz öz işimizdə onlardan yaradıcı surətdə istifadə etdiyimizdən burada tədqiqat üsullarının metodikaları verilmir. Monoqrafiyanın yazılmasında həmin ədəbiyyatlardan informasiya bazası və metodika üçün hərtərəfli istifadə edilmişdir.
