ƏHMƏd-cabiR ƏHMƏdov zeytun və zeytun yağI (Monoqrafiya)

2.11. Konservləşdirilmiş zeytun məhsullarının qablaşdırılması, sınaq üsulları və saxlanılması
Konservləşdirilmiş ədviyyatlı qara zeytun tutumu 3,0 dm³- dək olan QOST 5717.1 üzrə şüşə bankalara, tutumu 200 dm³- dək olan QOST 8777 üzrə taxta çəlləklərə qablaşdırılır. Çəlləklərin içərisində QOST 19360 üzrə polietilen içlik torbalar olmalıdır.

Yaşıl zeytun konservlərini tutumu 3,0 dm³- dək olan QOST 5717.1 üzrə şüşə bankalara və ya istehlakçı ilə razılaşdırılmaqla, Azərbaycan Respublikası Səhiyyə Nazirliyi tərəfindən istifadəsinə icazə verilən digər istehlak tarasına qablaşdırılır.

Məhsulun qablaşdırılması və markalanması QOST 13799 üzrə həyata keçirilir.

Markalanma Respublikanın dövlət dilində aparılmalıdır. Reklam xarakterli əlavə məlumatlar “Yeyinti məhsulları haqqında” Azərbaycan Respublikası Qanununa müvafiq olaraq göstərilmişdir.

Qəbul qaydaları QOST 26313, QOST 27853 üzrə heyata keçirilir. Keyfiyyət haqqında sənədin rekvizitləri və məhsulun tərkibində toksiki elementlərin, pestisidlərin və radionuklidlərin miqdarına nəzarət “İstehsalat müəssisələrində, topdansatış bazarlarında, pərakəndə ticarətdə və ictimai iaşə müəssisələrində konservlərə sanitar- texniki nəzarət qaydası üzrə təlimat”- a uyğun olaraq müəyyənləşdirilir.

Nümunələrin seçilib götürülməsi və sınaq üçün hazırlanması QOST 26313, QOST 26671, QOST 26668, QOST 26669, QOST 26929, mikrobioloji analizlər üçün mikroorqanizmlərin yetişdirilməsi QOST 26670 üzrə həyata keçirilir.

Sınaq üsulları – QOST 8756.1, QOST 8756.18, QOST 26186, QOST 26188, QOST 25555.0, QOST 25555.3, QOST 26323 üzrə həyata keçirilir.

Xarici görünüşünə görə qüsurlu meyvələrin miqdarı tərəzidə çəkilməklə müəyyən edilir, sonra onların miqdarı bankada olan meyvələrin ümumi kütləsinə nisbətən faizlə hesablanır.

Kənar qatışıqlar (mineral və bitki mənşəli qatışıqlardan başqa) vizual olaraq təyin edilir.

Sənaye sterilliyinin əsaslandırılması zərurəti yarandıqda mikrobioloji analizlər QOST 10444.1, QOST 10444.11, QOST 10444.12, QOST 30425 üzrə aparılır.

Mikrobioloji xarabolmanın əsaslandırılması zərurəti olduqda xarabolma törədicilərinin təyini QOST 10444.1, QOST 10444.11, QOST 10444.12, QOST 10444.15, QOST 30425 üzrə aparılır.

Patogen mikroorqanizmlər Dövlət Sanitar nəzarəti orqanlarının tələbi ilə, onlar tərəfindən müəyyən edilmiş labo- ratoriyalarda QOST 10444.1, QOST 10444.2, QOST 10444.7, QOST 10444.9 üzrə təyin edilir.

Toksiki elementlər QOST 26927, QOST 26930 – QOST 26934, pestisidlər QOST 30349 və Səhiyyə Nazirliyinin təsdiq etdiyi üsullar, radionuklidlər Səhiyyə Nazirliyinin təsdiq etdiyi üsullar üzrə təyin edilir.

Toksiki elementlərin atom- absorbsiya üsulu ilə təyini QOST 30178 üzrə aparılır.

Konservləşdirilmiş ədviyyatlı qara zeytunun və yaşıl zeytunun daşınması və saxlanması QOST 13799 üzrə həyata keçirilir.

Hazırlandığı gündən etibarən məhsulun saxlanma müddəti sterilizə olunmuş məhsul üçün ən çoxu 1 il, sterilizə olunmamış məhsul üçün ən çoxu 6 aydır.

Konservantlarla hazırlanan yaşıl zeytun konservlərin saxlama müddəti hazırlandığı gündən etibarən ən çoxu 3 ildir.