Амин Бабайев, Вцгар Бабайев

Pətəklərin   yerləşdirilməsi  
60. Arıçılıqda istifadə olunan pətəklər mədəni bitkilər becərilən ərazilərdə və ya yabanı 
bitkilər olan ərazilərdə bu standarta əsasən Bölmə 4-də qeyd olunan istehsal qaydalarına 
müvafiq olaraq qoyulur.   
61. GABA-nın sertifikatlaşdırma qurumu sahibkar  tərəfindən verilən məlumata və ya 
digər inspeksiya proseslərinə  əsaslanaraq müvafiq bal şirəsi, nektarı  və çiçək tozu olan  
əraziləri təsdiqləyib, qəbul edəcək. 
 62. GABA-nın sertifikatlaşdırma qurumu  arıların kifayət qədər qida maddələr əldə edə 
biləcək məsafəsini arı  pətəyindən 3 km radiusda olan ərazi çərçivəsində müəyyənləş-
dirmişdir.  
 63.  Sertifikatlaşdırma qurumu bu tələblərə cavab verən lakin qadağan olunmuş 
maddələrlə, genetik dəyişdirilmiş orqanizmlərlə  və ya ətraf mühit çirkləndiriciləri ilə 
potensial çirklənmə  mənbələrində bu pətəkləri yerləşdirməmək üçün belə zonaları 
müəyyən etməlidir.   
 
Yemləmə   
64. İstehsal mövsümünün axırında pətəklərin  tərkibində arı ailəsinin qışlama dövründə  
qidalanması və yaşaması üçün ehtiyat bal  və tozcuq qoyulur.   
65. Ailənin  yemləndirilməsi hava şəraiti  ilə  və digər müstəsna hallarla bağlı olaraq 
qısamüddətli qida çatışmazlığını aradan qaldırmaq üçün həyata keçirilə bilər. Belə 
hallarda  əgər mümkündürsə, ekoloji istehsal olunmuş bal və  şəkərdən  istifadə edilə 
bilər. Bununla belə, GABA-nın  sertifikatlaşdırma qurumu  qeyri-ekoloji yolla istehsal 
olunmuş bal və ya şəkərdən istifadəyə icazə verə bilər.  Belə istisna hallarında vaxt 

---

 
333
məhdudiyyəti müəyyən edilməlidir. Yemləmə son bal məhsulu vermə ilə növbəti nektar 
və ya bal şirəsi gətirmə dövrü arasında aparıla bilər.   
 
Keçid dövrü  
66.  Əgər bu standarta minimum 1 il ərzində    riayət edilirsə, o zaman  arı  məhsulları 
ekoloji istehsal edilmiş kimi satıla bilər. Keçid dövrü müddətində mum ekoloji istehsal 
edilmiş mumla əvəz edilməlidir. Əgər bir il müddətində bütün mum ekoloji mumla əvəz 
edilə bilmirsə, sertifikatlaşdırma qurumu  keçid dövrünü uzada bilər. İstisna hallarda, nə 
vaxt ki, ekoloji istehsal edilmiş arı mumu əldə etmək  mümkün deyil, bu standarta 
cavab verməyən  mənbələrdən olan mumlardan da GABA-nın sertifikatlaşdırma 
qurumunun icazəsi ilə istifadə edilə bilər. Ancaq bir şərtlə ki, həmin  ərazidə qadağan 
edilmiş materiallardan istifadə edilməsin.   
67. Əgər pətəklərdə əvvəllər qadağan olunmuş maddələr tətbiq edilməyibsə, pətəklərdə 
mumun dəyişilməsinə ehtiyac yoxdur.