siyasi elmlər üzrə fəlsəfə doktoru Avropa İttifaqınının müasir enerji təhlükəsizliyində Azərbaycanın yeri Giriş Energetika müasir dövrdə bir çox səbəbə görə elmi ictimaiyyətin və siyasətçilərin arasında diqqət mərkəzindədir. Bu həm enerji qiymətlərinin kəskin dəyişikliklərə məruz qalması, həm təhlükəsiz təchizat məsələləridir, həm də, geniş mənada, ölkənin enerji təhlükəsizliyinin təmin edilməsi, yeni enerji mənbələrinin tətbiqi, onların qənaətlə işlətməsi, enerji resurslarından israfçılıqla istifadəsinin və ətraf mühitə təsirinin idarə edilməsi və s. məsələləri də gündəmə gətirir.
Beynəlxalq aktorların xarici siyasətlərini və əsas prioritetlərini müəyyənləşdirən, post-bipolyar beynəlxalq münasibətlər sisteminin yaranması kontekstində enerji məsələləri getdikcə mühüm bir amilə çevrilir.
