Elektron darslik yaratuvchi dasturlar xarakteristikalari

Elektron darsliklar yaratuvchi dasturlar bilan ishlash
SbookBuilder dasturi yordamida elektron darsliklar tayyorlash.

Hozirda vaqtda bir necha xil elektron darslik tayyorlash imkonini beruvchi dasturlar mavjud. Oddiy HTML ko’rinishida elektron darslikni biror bir matn muharrida ham tayyorlash mumkin (misol uchun, HTML sahifalarni Notepad matn muharrida tayyorlash uchun HTML kodlarini matn muharriga yozib saqlashda .htm yoki .html kengaytma berish kifoya ) yoki maxsus HTML ma’lumotlar tayyorlashga mo’ljallangan Microsoft FrontPage, Dreamweaver kabi dasturlari yordamida ham tayyorlash mumkin. Lekin .chm yoki .exe kengaytmali faylllar o’zining yaxlitligi va oson nusxasini ko’chirib olinishi bilan oddiy HTML sahifalar to’plamidan iborat elektron darsliklardan afzal hisoblanadi.

Ushbu dastur bepul tarqatiluvchi dasturlardan biri bo’lib osonlik bilan elektron darsliklar tayyorlashga juda qulaydir. Ushbu dasturni global tarmoqning ushbu http://jansfreeware.com manzilidan ko’chirib olish mumkin. Dastur hech qanday o’rnatilishni talab qilmaydi. Ushbu dastur mavjud HTML sahifalarini exe fayl ko’rinishidagi elektron darslik holatiga keltiradi. Ya’ni bu dasturda avvaldan tayyorlab olingan bir-biriga bog’liq HTML sahifalar ko’rinishidagi ma’lumotlarni yaxlit bir exe fayl ko’rinishiga keltiradi. Uni ishga tushirish uchun SbookBuilder.exe fayli ustida sichqoncha chap tugmasini ikki marta bosamiz va natijada

Ushbu dastur bilan ishlash oynasi ochiladi

Bu dastur juda sodda tuzilmaga ega. Uning quyidagi boshqarish maydonlari mavjud:
1) Select folder – bu maydonda HTML ma’lumotlari joylashgan papka tanlanadi. Quyidagi rasmlda Qo’llanma nomli papka tanlangan uni tarkibidagi ma’lumotlar Files bo’limida ko’rsatilgan.

2) Select homepage – maydon yordamida bosh sahifa tanlanadi. Bosh sahifa shunday bo’lishi kerakki boshqa sahifalar u bilan bog’langan bo’lish lozim.

3) Enter title – bu maydonda elektron darslikka sarlavha yoziladi

4) Enter password – agar ma’limotimizni boshqalardan himoyalamoqchi bo’lsak bu maydonda elektron darslikka parol qo’yish orqali muammodan qutulamiz.

5) Select icon – bu maydon yordamida darslik ikonkasini tanlashimiz mumkin. Buning uchun .ico kengaytmali rasm fayl bo’lishi kerak.

6) Allow printing – bu maydon yordamida darslikning faol turgan qismini printerda chop qilish mumkin.

7) Show toolbar – bu bo’lim imkoniyati yordamida SbookBuilder dasturining maxsus uskunalar paneli tayyorlanayongan elektron darslikda joylashish yoki joylashtirmaslikni sozlash mumkin.

8) Create ebook – bu maydonda tayyorlangan darslik qaysi joyga va qaysi nom bilan saqlanishligi ko’rsatilib Сохранить tugmasi bosiladi natijada avtomatik tarzda ko’rsatilgan nomdagi .exe kengaytmali darsligimiz tayyor bo’ladi.

Quyidagi rasmda saqlangan keyin avtomatik ishga tushgan oyna tayyorlandan fayl va uni umumiy papkani necha foiz siqilgandagi o’lchami ko’rsatilgan.

Quyidagi keltirilgan ikkita rasmda SbookBuilder dasturining 6- va 7-maydon-larida ta’kid qo’yilgan va qo’yilmagan holatda tayyorlangan ko’rinishlari keltirilgan.