Ertalabki suhbatlar

8-mavzu: “Qiz bolalarga xos fazilatlar”
Qiz bolalarga xos fazilatlar - uyatchanlik, tortinchoklik, o‘zini sipo tutish, baland ovozda gapirmaslik, qattiq kulmaslik, o‘tirganda kuylagi etagini yopib o‘tirish, xushmuomala bo‘lish, saranjom-sarishta bo‘lish, dildagi g‘azab va nafratini yuzaga chiqarmaslik. Ishda, so‘zda odobga rioya qilishni o‘rgatish.
Qizlarni saranjom-sarishta bo‘lishga o‘rgatish: o‘rin-joylarini yig‘ishtirish, ko‘rpa-yostiqlarning jildini kiydirish, choyshablarni tekislab chiqish, ularni almashtirishda kattalarga yordam berish, shaxsiy buyumlarini toza saqlash, o‘yinchoqlar, kitoblardan va mehnat qurollaridan ehtiyotkorlik bilan foydalanish, asrab-avaylash, asrash ko‘nikmasini mustahkamlash. Bolalarda buyumlarga nisbatan ongli munosabatni tarbiyalash. Mavzu bo‘yicha hikoya va rivoyat o‘qib berish va uni sharhlash.


9-mavzu: “O‘g‘il bolalarga xos fazilatlar”

O‘g‘il bolalarga xos fazilatlar – mehnatsevar, aqlli, zehnli, chaqqon, botir, mard, do‘stlariga mehribon, g‘amxo‘r, farosatli, rostgo‘y, xushmuomala bo‘lish, saranjom-sarishta bo‘lish, dildagi g‘azab va nafratini yuzaga chiqarmaslik. Ishda, so‘zda odobga rioya qilishni o‘rgatish.

O‘g‘il bolalarni saranjom-sarishta bo‘lishga o‘rgatish:
mustaqil ravishda xonasini yig‘ishtirish va o‘yinchoqlarini o‘z joyiga terib qo‘yish, o‘rin-joylarini yig‘ishtirish, ko‘rpa-yostiqlarning jildini kiydirish, choyshablarni tekislab chiqish, ularni almashtirishda kattalarga yordam berish, shaxsiy buyumlarini toza saqlash, o‘yinchoqlar, kitoblardan va mehnat qurollaridan ehtiyotkorlik bilan foydalanish, asrab-avaylash, asrash ko‘nikmasini mustahkamlash. Bolalarda buyumlarga nisbatan ongli munosabatni tarbiyalash. Mavzu bo‘yicha hikoya va rivoyat o‘qib berish va uni sharhlash.
10-mavzu: “Tozalik - bu salomatlik”
Bolalarga tozalik-bu salomatlik bilan bog‘lik masala ekanligi xakida tushuncha berish. Salomatlikning bosh mezoni tozalik, ozoda yurish ekani, ertalab uyqudan turganda yuz-qo‘llarni yuvish, keyin sochiqqa artish, uyqu oldidan tishlarni tozalash, qo‘l-oyoqlarni yuvish, sochiq va dastro‘moldan to‘g‘ri foydalanish xakida tushuncha berish. Bolalarga qo‘l yuvish, tish yuvish qoidalarini o‘rgatish. Qo‘l, oyoq va badan uchun foydalaniladigan sochiqlarning alohida bo‘lishi kerakligi xaqida ma’lumot berish va uni farqlashga odatlantirish. Salomatlik haqida buyuk allomalar o‘gitlari va rivoyatlaridan o‘qib berish.