Ətraf müHİt və TƏBİİ ehtiyatlar komiSSİyasi biRİNCİ toplanti hesabat məruzəSİ
Yüklə 0,57 Mb. Pdf görüntüsü
|
|
TÜRKİYƏ
29. Türkiyə Səhralaşmaya Qarşı Mübarizə üzrə BMT Konvensiyasına 31 avqust, 1998-ci ildə qoşulmuşdur. Katibliyin milli səviyyədə işi, beynəlxalq əlaqələr və kordinasiya Eroziya və Səhralaşmaya Qarşı Mübarizə (ESQM) üzrə Baş Direktoratlıq tərəfindən həyata keçirilir. 30. Eroziya və Səhralaşmaya Qarşı Mübarizə üzrə Baş Direktoratlıq 2011-ci ildə Su və Meşə Təsərrüfatı Nazirliyi çərçivəsində yaradılmışdır. Baş Direktoratlığın vəzifələrinə daxildir: torpağın qorunması və təbii ehtiyatların inkişafı, səhralaşmaya və torpaq eroziyasına qarşı mübarizə, uçqun, sürüşmə və daşqına nəzarətlə bağlı plan və layihələrin həyata keçirilməsinin təkmilləşdirilməsi və nəzarət, bu fəaliyyətlərin layihə əsaslı dəstəklənməsi, bu məsələlər və
7
fəaliyyətlərlə bağlı siyasət və strategiyanın müəyyən olunması, müvafiq qurum və təşkilatlarla əməkdaşlıq və kordinasiyanın təmin edilməsi, milli və regional səviyyədə su hövzələrinin inkişafının planlaşdırılması, siyasət və strategiyaların müəyyənləşdirilməsi, universitet və elmi-tədqiqat institutları ilə birlikdə tədqiqat və inkişaf fəaliyyətinin həyata keçirilməsi, təhsil, nəşr, təşviqat və s. kimi fəaliyyətlərlə məşğul olmaq. 31. Türkiyədə səhralaşma və eroziyanın təsirinə ən çox məruz qalan ərazilər Konya hövzəsi, Aras hövzəsi və İğdir regionlarıdır. Eroziya hər hövzədə və regionda rast gəlinə bilər. Risk xəritələri bu nöqteyi-nəzərdən hazırlanmışdır. Türkiyədə 59% kənd təsərrüfatı, 64% otlaq və 54% meşə sahələrində eroziya davam edir. 32. Səhralaşmaya qarşı mübarizənin bu kontekstində səhralaşmanın meyar və göstəriciləri hazırlanmaqdadır və səhralaşma prosesinin Səhralaşmanın Müşahidəsi Sistemi Lahiyəsi tərəfindən izlənilməsi gözlənilir. Ərzaq, Kənd Təsərrüfatı və Heyvandarlıq Nazirliyi, Meşə Təsərrüfatı Baş Direktoratlığı, TUBITAK, UNCCD, FAO, TICA, GEF, qeyri-hökumət təşkilatları kimi qurumlar və özəl sektor səhralaşma və eroziyaya qarşı mübarizədə milli və beynəlxalq layihə tərəfdaşları kimi sadalana bilər. Bu baxımdan səhralaşmanın müşahidəsi çox əhəmiyyətlidir. Eroziya və Səhralaşmaya Qarşı Mübarizə üzrə Baş Direktoratlığı Ar–Ge and Model Layihələrlə səhralaşma və torpaq eroziyasına qarşı mübarizə ilə məşğul olur. Bundan əlavə, əyalət təşkilatı və güclü təşkilati komanda ilə Meşə Təsərrüfatı Baş Direktoratlığı eroziyaya qarşı mübarizədə mühüm funksiyanı üzərinə götürür və Baş Direktoratlıqla birlikdə bir çox layihələr öyrənilməkdədir. 33. Ekspertlər Türkiyədə səhranın olmadığını, lakin səhralaşma prosesinə daxil olan ərazilərin olduğunu bildirmişdir. Səhralaşma yalnız Türkiyə üçün deyil, həmçinin üç qitə ilə bağlı narahatlıq baxımından Anadolunun qonşu regionları üçün də maraqlıdır. Bu səbəbdən Eroziya və Səhralaşmaya Qarşı Mübarizə üzrə Baş Direktoratlıq Afrika və Asiya ilə bağlı layihələr üzrə işini təkmilləşdirir. Bu baxımdan FAST layihəsi, Afrikada Səhralaşma, Torpaq Deqradasiyası və Susuzluqla Mübarizə İnkişaf Layihəsi çərçivəsində Niger-Türkiyə Meşə Dostluq Layihəsi, Fələstində Uşaq Layihəsi, Qırğızıstanda Su Hövzəsinin Bərpası Layihəsi davam etdirilir. Türkiyənin malik olduğu təcrübə Səhralaşma, Torpaq Deqradasiyası və Susuzluqla Mübarizə İnkişaf Layihəsi tərəfindən Afrikanın ən az inkişaf etmiş ölkələri ilə paylaşılır. 34. Son zamanlar Türkiyənin səhralaşma və torpaq eroziyasına qarşı mübarizə səyləri ekspertlər tərəfindən araşdırılmışdır və “Quraq və Yarımsəhra Ərazilərdə İqlim Dəyişikliyinə Davamlı Meşələrin Salınması üzrə Kitabça” hazırlanmışdır. Bu baxımdan 2014-cü ildə Səhralaşma ilə Mübarizə üçün Milli Fəaliyyət Sənədi hazırlanmış və Milli Fəaliyyət Proqramı yenilənmiş və işə salınmışdır. Bundan əlavə, yaxşı təcrübənin hesabat və paylaşılması üçün LADA layihəsi mühüm əhəmiyyət kəsb edir. Ölkənin potensialının, eləcə də bu məsələlər haqqında dünyada Türkiyənin görünmə dərəcəsinin artırılmasında UNCCD Katibliyi ilə əlaqələr və “Türkiyədə Səhralaşmaya qarşı Mübarizənin Öyrənilməsi” üzrə hesabatlar da çox vacibdir.
Yüklə 0,57 Mb. Dostları ilə paylaş:
|