Fan va innovatsiyalar vazirligi materialshunoslik universiteti

3. Natriy, kaliy va ammoniy karbonatlar ta'siridan Mn²⁺ ion kislotalarda eriydigan oq rangli MnCO₃ cho'kma hosil qiladi:
Mn²⁺ + CO₃^2-→MnCO₃↓
4. Natriy gidrofosfat Mn²⁺ ionga ta'sir ettirilganda kuchli mineral va hatto kuchsiz sirka kislotada ham eriydigan (alyuminiy, temir (III), xrom (III) va titan (IV) fosfatlaridan farqli ravishda) oq rangli Mn₃(PO₄)₂ cho'kma hosil bo'ladi:
3Mn²⁺ + 4HPO₄^2-→ Mn₃(PO₄)₂↓ + 2H₂PO₄
5. Oksidlash reaksiyasi yordamida Mn²⁺ ionini topish mumkin. Bunda PbO₂, ammoniy persulfat (NH₄)₂S₂O₈, natriy vismutat -NaBiO₃, H₂O₂, KC1O₃, C1₂, Br₂ va boshqa oksidlovchilardan foydalaniladi. Oksidlash reaksiyalari kislotali yoki ishqoriy muhitlarda o'tkazilishi mumkin.
Kislotali muhitda rangsiz Mn²⁺ ionga PbO₂ ta'sir ettirilib, qizdirilsa pushti rangli HMnO₄ hosil bo'ladi:
2Mn²⁺ + 5PbO₂ + 6H⁺→2HMnO₄ + 5Pb²⁺ + 2H₂O
Reaksiyani bajarish uchun probirkaga 1-2 tomchi Mn (II) sulfat yoki nitrat eritmasi, 4-6 tomchi 6 N HNO₃ eritmasi tomizib, unga ozgina PbO₂ kukunidan solinadi va aralashma qaynaguncha qizdiriladi. PbO₂ tarkibida marganetsning kirishmalari bo'lishi mumkinligidan ushbu reaksiya bilan bir vaqtda salt tajriba o'tkazing. Salt tajribani ham xuddi shu sharoitda (unga tekshiriladigan eritma tomizilmaydi) o'tkazing. Marganetsning kirishmalari bo'lmasa, rang paydo bo'lmaydi. Mazkur reaksiya marganetsni topishda ancha sezuvchan bo'lganligi uchun ko'p qo'llaniladi.
Kislotali muhitda, shuningdek, marganets (II) ionini KC1O₃ ta'sirida (qizdirib) qo'ng'ir rangli H₂MnO₃ gacha oksidlash mumkin:
5Mn²⁺ + 2KC1O₃+9H₂O→5H₂MnO₃ +8H⁺+C1₂+ 2K⁺
Ishqoriy muhitda Mn²⁺ ionining rangsiz eritmasi H₂O₂ ta'sirida qo'ng'ir rangli H₂MnO₃ cho'kmaga aylanadi:
Mn²⁺+ 2KOH→Mn(OH)₂↓ + 2K⁺
Mn(OH)₂↓+ H₂O₂→H₂MnO₃↓+ H₂O
yoki umumiy holda
Mn²⁺ + H₂O₂ + 2OH^-→H₂MnO₃↓ + H₂O