10-MAVZU. XALQARO XUSUSIY HUQUQDA YuRISDIKSIYa VA NIZOLARNI HAL ETISh. XALQARO ARBITRAJ.
Reja:
O‘zbekiston Respublikasida xalqaro sudlovga taalluqlilik me’yorlari.
Xalqaro xususiy huquqda nizolarni ko‘rib chiqish va hal etish alohida e’tibor qaratish lozim.
O‘quv mashg‘uloti natijalari – talabalarda xalqaro fuqarolik protsessi tushunchasi, sudlovga tegishliligini aniqlash va prorogatsion bitimlar, O‘zbekiston Respublikasida chet elliklarning sud himoyasiga bo‘lgan huquqlari va fuqarolik protsessual huquqlari, chet el huquqi mazmunining o‘rnatilishi, xalqaro sudlovga tegishlilik to‘g‘risidagi xalqaro huquqiy hujjatlarining asosiy masalalari yuzasidan chuqur bilim olishni ta’minlaydi. Talabaning sud topshiriqlari va sud topshiriqlarini bajarish, chet el sudlari qarorlarini tan olish va ijro etish, arbitraj tushunchasi va turlari, milliy rezidentlar ishtirokidagi nizolarni arbitraj tartibda ko‘rib chiqish, investitsiyaga oid nizolarni arbitraj tartibda ko‘rib chiqish, Arbitraj qarorlarini tan olish va ijro etish masalalariga oid mustaqil ta’lim olishiga ko‘maklashish, o‘rganish, to‘g‘ri sharhlash va qo‘llay olish uchun zarur bilim, ko‘nikma va malakani shakllantirishdan iborat.
O‘zbekiston Respublikasida xalqaro sudlovga taalluqlilik me’yorlari qanday belgilanadi? Bu guruhlarning har birida alohida mustasno, muqobil va kelishilgan sudlovga taalluqlilik to‘g‘risidagi me’yorlarni ajratib olish mumkin.
Alohida sudlovga mustasno taalluqlilik deganda nizoni muayyan davlat sudloviga taalluqli deb belgilash va boshqa davlatlar sudlari sudloviga taalluqli emasligini qat’iy ta’kidlash tushuniladi.
Muqobil sudlovga taalluqlilik o‘z davlati va chet davlatlar orasidan istaganini tanlab olish imkonini nazarda tutadi.
Kelishilgan sudlovga taalluqlilik taraflarning kelishuviga asosan sudlovga taalluqlilikni belgilashda aks etadi.
