Farg’ona davlat universiteti Tabiiy fanlar fakulteti Biologiya o’qitish metodikasi yo’nalishi 17. 38 A guruh talabasi Ma’murxonova Mohigulning Biogeografiya fanidan tayyorlagan mustaqil ishi taqdimoti

3-Mavzu: Biogeotsenoz, populyatsiya va ekologik tizimlar ularning tarkibiy qismlari va ular o’rtasidagi aloqa tiplari.

Reja:

• Biogeotsenoz-biologik sistema
• Populyatsiya va ekologik tizimlar haqida
• Ekosistemalarning tarkibiy qismlari
• Biogeotsenozlarning barqarorligi

Biogeotsenoz (yunoncha «bios» – hayot, «ge» – yer va «koinos» umumiy so’zlaridan olingan) evolyutsiya jarayonida ma’lum bir hududni egallagan har xil turga mansub bakteriya, zamburug’, o’simlik va hayvonlar jamoasidan iborat ochiq biosistemadir.

Biogeotsenoz haqidagi ta’limotni rus botanik olimi V.N. Sukachev yaratgan. U biogeotsenoz tirik tabiatning muhim funksional tuzilish birligi ekanligini hamda biogeotsenoz ikkita tarkibiy qismdan – tirik organizmlar majmuasi (biotsenoz) hamda atrof-muhit sharoitlari majmuasi – biotop (yunoncha «bios» – hayot va «topos» – joy)dan iboratligini ko’rsatib bergan .

Yer yuzida tabiiy jamoalar uchramaydigan joy deyarli yo’q. Hayot biogeotsenozlar shaklida atrof-muhitning qariyb barcha qismlarini egallagan. Bu o’z navbatida biogeotsenozlarning hayot tuzilish darajasidan biri sifatida muhim ahamiyatini belgilaydi. Har qanday biogeotsenoz ma’lum bir hududda tarqalgan va ma’lum chegaraga ega. Tirik organizmlar jamoalari cho’llar, shimoliy kengliklar, ekvator, dengiz va okeanlar, tuproq va tog’larda ham uchraydi.

Yer yuzida tabiiy jamoalar uchramaydigan joy deyarli yo’q. Hayot biogeotsenozlar shaklida atrof-muhitning qariyb barcha qismlarini egallagan. Bu o’z navbatida biogeotsenozlarning hayot tuzilish darajasidan biri sifatida muhim ahamiyatini belgilaydi. Har qanday biogeotsenoz ma’lum bir hududda tarqalgan va ma’lum chegaraga ega. Tirik organizmlar jamoalari cho’llar, shimoliy kengliklar, ekvator, dengiz va okeanlar, tuproq va tog’larda ham uchraydi.

Biogeotsenozlar har qanday biosistemalar kabi bir butun, barqaror tizim bo’lib, uning bu xususiyatlari moddalarning davriy aylanishi orqali ta’minlanadi. Biogeotsenoz tuzilishi va xususiyatlarini ekologiyaning alohida bo’limi – biogeotsenologiya o’rganadi.