«fashion- menejment va marketing»
Moda industriyasi taraqqiyotining asosiy bosqichlari
Yüklə 0,96 Mb.
|
|
2. Moda industriyasi taraqqiyotining asosiy bosqichlari Moda industriyasining taraqqiyoti nufuzli iste'mol qilish va “ommaviy iste'mol qilish jamiyati”ning parallel rivojlanishi bilan boğliq. XIX asr oxirigacha moda industriyasi mavjud emas edi, ammo modaning ijtimoiy fenomen sifatida antik davrlardan boshlab mavjud bơlganligi bizga ma'lum. Gap shundaki, bu vaqtgacha aholi asosiy qatlamining hayoti past darajada edi, shunga kơra aholi, birinchi navbatda, faqat zaruriy, funktsional mahsulotlargagina ehtiyoj sezardi. Moda mahsulotlari (zargarlik buyumlari, shoxona kiyimlar) kam sonli zodagonlar va boylar tomonidangina sotib olinardi. Moda kiyimlarini ommaviy ishlab chiqarish ommaviy ơrta sinfni vujudga kelganidan boshlab yơlga qơyildi. Moda industriyasi taraqqiyotining bosqichlarini moda kiyim ishlab chiqarish sanoatining rivojlanish misolida yaqqol kơrish mumkin. Taxminan 1890-1960 yillarda moda kiyimlari va aksessuarlarini ishlab chiqarish kichik biznesdan ommaviy ishlab chiqarishga va moda industriyasiga aylandi. XIX asrning ơrtalaridan boshlab maxsus moda jurnallari paydo bơla boshladi, ularda joriy mavsumning yangiliklari va magazinlardagi assortiment haqida hikoya qilinardi ( ya'ni ulardan “Parijda nima kiyishayapti?” savoliga javob topish mumkin edi). 1950-1960 yillarda rivojlangan mamlakatlarda ommaviy iste'mol jamiya tining shakllanishi munosabati bilan modani prognoz qilish sistemasi ham rivojlanib bordi.Moda rivojining tendentsiyalari tahlili bilan shuğullanuvchi firmalarning paydo bơlishi tayyor kiyimni ommaviy ishlab chiqarish bilan boğliq edi, chunki endi bu borada “masshtabli” va uzoq muddatli qarorlar qabul qilish talab qilinardi. Shuning uchun ommaviy tayyor kiyim ishlab chiqaruvchi nafaqat dizaynerga, balki mato ishlab chiqaruvchisiga ham boğliq bơlib qoldi. Chunki mato ishlab chiqaruvchi unga bozorda hozirgi paytda mavjud bơlgan xom-ashyo va iplar asosida tayyorlangan mahsulotlarnigina taklif qilishi mumkin edi. Bozorda modadagi rangda, aktual faktura va original bichimdagi kiyimni paydo bơlishi uchun, 3 yil oldin paxtani ơstirish texnologiya siga va bir vaqtning ơzida bơlğuvsi matoni bơyash uchun kerakli bơladigan bơyoq ishlab chiqarish formulasiga ơzgartirish kiritish lozim bơlardi. Shuning uchun modani oldindan prognoz qilish sistemasi vujudga keldi, ushbu sistema yordamida ayni vaqtdagi moda tendentsiyalarini ơzgarib borishi kuzatilardi. 1960-1980 yillarda moda iqtisodiyoti ikki darajaga bơlindi: “kutyurlar mahsuloti” ( elita uchun individual buyurtmalar) va “pret-a-porte” (ơrta sinf uchun ommaviy ishlab chiqarish). Aynan shu yillar parijlik mashhur kutyuryelar – Koko Shanel , Kristian Dior, Iv Sen Loran, Yuber Jivanshilarning davri bơldi. 1990 yillarda moda industriyasida “plyuralizm” ustunlik qildi, bu davrda biror bir uslubni hukmron bơlgan deb aytish qiyin edi, chunki moda tendetsiyalari bir nechta trendlarga bơlinib ketdi. Bu bilan paralell ravishda ơzgarishlar tezligi ơsib bordi, chunki yangi uslublar haqidagi ma'lumotlar qulay kommunikatsiya vositalari yordamida bir zumda tarqala boshladi. Agar oldin moda industriyasi katta yoshdagi boy insonlarga mơljallangan bơlsa, asr oxiriga kelib moda sezilarli darajada “yoshardi”. Nihoyat, iqtidorli stilistlarning roli pasayib, moda poytaxtlari (Parij, London va Nyu -York )ham emas, balki taniqli brendlarni ishlab chiqarayotgan mahsulotlari modani belgilab berishi kuzatildi. Modadagi boshqa mahsulotlarning bozorida ham shu tendentsiya kuzatildi, yagona hukmron standartdan standartlarning kơp miqdorliligiga ơtildi. Moda industriyasi Ğarbiy Evropa tsivilizasiyasining fenomeni sifatida shakllandi, XX asrning ohirigacha modaga ơzga madaniyatlarning ta'siri bơlmagan. XX asr globallashuvi nafaqat Evropa modasining butun dunyo bơyicha kơrsatilishiga , balki bu industriyaga Sharq mamlakatlarining ta'sir kơrsatishiga ham sabab bơldi. Yaponiyada halqaro miqyosdagi moda mahsulotlarini ishlab chiqaruvchilar paydo bơldi (Issi Mike, Yoshi Yamamoto va b.). Shuningdek, parijlik Kutyurye Kenzo Tokada butun dunyoga mashhur bơldi. XXI asrda sharq madaniyatining modaga ta'siri ơsishi munosabati bilan moda industriyasining ơzgarishi kutilmoqda.
Moda mahsulotlarini ishlab chiqarish, sotish va hizmat kơrsatish bilan shuğullanuvchi kompaniyalar kơp milliardli foyda keltiruvchi, ammo juda katta investitsiyalarni talab qiluvchi gigant industriyani tashkil etadilar. Ayrim ekspertlarning ta'kidlashicha, 2000 yillar boshidan beri moda industriyasi zamonaviy iqtisodiyotning eng kơp mablağga ega bơlgan sohalari ichida beshinchi ơrinni egallab kelmoqda. Moda industriyasining maqsadi moda mahsulotlari iste'molchilarning talabini qondirishi zarurligini kơrsatadi. Ammo, ta'kidlash zarurki, bugungi zamonaviy dunyoda nima moda ekanligini yoyish stixiyali bơlmay, balki iqtisodiyotning muhim sohasiga aylandi(reklama va RR marketingning bir qismi bơlib qoldi.) Zamonaviy moda industriyasi faqatgina shakllanib bơlgan talablarga asoslanmay, balki prognoz qilishga va rejalashtirishga asoslanadi. Kiyim uslublarining ơzgarishlari u magazinlarda paydo bơlishidan olti oy oldin ma'lum bơladi, ya'ni oldin ơtkazilgan moda namoyishlarida ishtirok etgan jurnalist-analitiklar kelguvsi mavsumning yangiliklari va tendentsiyalari haqida habar bergan bơladilar. Bir vaqtning ơzida “shou-rum” (namoyishlar premyerasi) davomida ham savdo kompaniyalari vakillari magazinlar uchun kollektsiyalarni sotib olish buyurtmalarini beradilar. Tayyor kiyim ishlab chiqaruvchilar buyu rtmalarning tơliq paketini yiğib bơlganlaridan sơng kollektsiyalarni ommaviy tirajda ishlab chiqara boshlaydilar. Modadagi mahsulotlarni ishlab chiqaruvchilar ikki guruhga bơlinadilar: tơğridan-tơğri ishlab chiqaruvchilarga va kontraktorlarga. Tơğridan-tơğri ishlab chiqaruvchilar - bular shunday kompaniyalarki (masalan, AQShdagi Levi Strauss and Co), ular ơz shaxsiy markalarini yaratib, modellar, kollektsiyalarni ishlab chiqishadi va sơngra ularni ơz shaxsiy korxonalarida ishlab chiqarishadi. Bu tipdagi yirik kompaniyalar juda kam. Ơzlari modellar yaratib va kollektsiyaning barchasini tơliq ishlab chiqaradigan bunday kompaniyalar chegaranlangan assortimentdagi mahsulotlarni kam seriya da va unchalik katta bơlmagan tirajda ishlab chiqarishadi. Libos va aksessuarlarni ishlab chiqaruvchi yirik korxonalarning kơpchiligi ơz kuchlarini faqat kiyim yangi modellarini yaratishga sarflashni ma'qul kơradilar. Tayyor mahsulotlarni ishlab chiqarish bilan ijrochi-korxonalar kontraktorlar shuğullanadilar. Agar kiyim modelini yaratish bilan asosan AQSh va Ğarbiy Evropa mutahassislari shuğullanishsa, uni tayyorlash esa ishchi kuchi arzon bơlgan “uchinchi dunyo” mamlakatlarida amalga oshiriladi. Xattoki Rossiyada ham kiyim ishlab chiqaruvchi taniqli brendlar 80% buyurtmalarini xorijiy kontraktorlarga topshirishadi (asosan Janubiy-Sharqiy Osiyodagilarga). Yangi modellarni ơylab topish va ularni ishlab chiqarishdan olinadigan foydadan tashqari kompaniyalar litsenziya sotish yơli bilan ham yaxshi daromad olishlari mumkin. Bunday litsenziyalar raqobatbardosh bơlmagan mahsulotlarni taniqli brendning logotipi ostida yaxshiroq sotilishiga yordam beradi. Moda industiriyasida litsenzion biznesning asoschilaridan bơlib Pierre Carden hisoblanadi. Moda biznesi mahsulotlar bahosining ularning ob’ektiv iste'mol bahosidan katta farqi borligi bilan xarakterlanadi. Brendning qiymati iste'molchilar ongida mavjud bơladi va omadli reklama kampaniyasi natijasida har qanday mahsulotni muhim iste'molchilik xususiyatiga ega bơlgan mahsulotga aylantirish mumkin bơladi. Shuning uchun moda mahsulotlari harajatining katta qismi reklama va RR larga tơğri keladi. Ayniqsa, bu holat yuqori sifatli matolardan mijozning personal buyurtmasiga kơra libos va aksessuarlar tayyorlashda namoyon bơladi. Bunday mahsulotlarni sotib oluvchilar bozori katta emas, chunki hayot tarzini demokratiyalashtirilishi “aslzodalar” sonining keskin qisqarishiga sabab bơldi. Agar XX asrning ơrtalarida ơta yuqori narhdagi ơziga xos modellarni buyu rtma qilayotgan mijozlarning soni 15 mingta bơlgan bơlsa, bizning asrimizga kelib ularning soni 2 mingga tushib ketdi. Hozirgi kunda kutyuryelar ơz kollektsiyalarini foyda olish maqsadida emas, balki brend imidjini saqlab qolish maqsadida yaratishmoqda. Modalar uylarining kutyur mahsulotlari Chanel Haute Couture, Christian Dior, Haute Couture kabi) boshqa yanada utilitar modellarni reklamasiga aylanib qolishdi. Bu modellarning namoyishi bir yilda ikki marta ơtkaziladi (bahorgi/yozgi modellar yanvarda, kuzgi/qishki modellar iyulda namoyish qilinadi). Moda kiyim ishlab chiqaruvchilari asosiy foydani pret-a-porter (“tayyor libos”) kollektsiyalarini ishlab chiqarishdan olishadi. Ular uncha qimmat bơlmagan narhlarda ommaviy tirajlarda magazinlarda sotish uchun ishlab chiqariladi. Ushbu kollektsiyadagi kiyimlar ikki kategoriyaga bơlinadi: pret-a-porter de lux guruhiga xos modellar. Ular qimmatbaho hisoblanadi. Bu guruhdagi modellar dizayner nomini oladilar va bunday kiyim modellari kompaniyalarning shaxsiy mono-butiklarida sotiladi ( Gucci, Prada, Armani, Versace, Cavalli, Christian Dior va b.). Ikkinchi guruh bu oddiy pret-a-porter guruhidir. Bu guruh kiyim modellari markalarida dizayner nomlari keltirilishi shart emas, bunday mahsulotlarning kơp qismi multi-brend butiklarida sotiladi.
Ayrim ekspertlarning ta'kidlashicha, Ğarbiy Evropadagi aholi moda industryasi tovarlarini sotib olishga ơz daromadining 10%, AQSh aholisi esa ơz daromadining 5% sarflayotgan ekan. Agar moda iqtisodiyotiga estetik va ijtimoiy talablarni qondiradigan tovarlarni ham qơshsak, rivojlangan mamlakatlarning fuqarolari ơz oilalari byudjetining 40%ni moda mahsulotlarini sotib olish uchun sarflayotgani aniq bơladi. Shunga kơra, aytish mumkinki, moda iqtisodiyoti iqtisodiyotning boshqa tarmoqlarini orqada qoldirgan tarzda rivojlanayapti. Bu tendentsiya hayot darajasining ơsishi va ơzini ifodalashga bơlgan intilishning erkinlashuvini kơrsatadi. 5. Moda industriyasining tasnifi. Haute Couture va pret-a-porter kollektsiyalaridagi liboslarni keskin farqlash zarur. Dunyo moda korporatsiyalari “Vogue” kabi jurnallar sahifalarida kundalik hayot uchun mơljallangan kollektsiyalarni emas, balki asosiy yơnalishlar va tendentsiyalarni namoyish qilib boradilar. Moda kiyim bozori narhlar shkalasi bơyicha ikki guruhga bơlinadi: Pret-a-porter va Couture. Bu ikki tushuncha nihoyatda kengdir. Sodda qilib aytsak, birinchisi tayyor libos bơlib, u “har kunga mơljallangan” yoki uni mass market deb ham atashadi. Couture esa faqat buyurtma asosida tikilgan, nihoyat, Haute Couturening bir qismi sifatidagi va eng asosiysi tantanali vaziyatlar uchun tikilgan libosdir. “ Pret-a-porter” kollektsiyasidan farqli ravishda yuksak moda - Couture standart razmerlar bilan emas, balki millimetrlar bilan ish kơradi. Libos buyurtmachi tanasida yaratiladi, birorta detal ham osilib yoki qiyshiq turishi mumkin emas. Dunyoga mashhur dizaynerlar ishlaydigan Modalar Uylari tomonidan yaratiladigan buyumlar bir nechta kategoriyalarga bơlinadi. Ularning eng eksklyuzivi - Haute Couture. Bu buyumlarni kutyurlarning shaxsan ơzlari bu yurtmaga kơra faqat yagona nushada tikishadi. Yuksak moda haftaliklari va pret-a-porter moda haftaliklari har hil vaqtda ơtkazilishi jiddiy nazorat qilinadi . Vaholangki, kollektsiyalarni bir hil Moda Uylari(Shanel ,Dior,Jivanshi,Lakrua va boshqalar.) taqdim qilayotgan bơlsa-da, ular bir-biriga aralashtirilmaydi. Haute Couture namoyishlarida faqat boy-badavlat, dunyoga mashhur, 100ming dollardan ortiq baholanadigan libos sotib olish imkoniyatiga ega bơlgan kishilar qatnashishi mumkin. “ Haute Couture”dan sơng “Couture” darajasidagi buyumlar keladi. Bu Moda Uylari ham mijoz ơlchamlari asosida yagona nushada libos tikishadi, ammo ular“Haute Couture” modalar uyining boshqa talablariga javob bera olmaydilar, shuning uchun oddiy qilib “Couture” deb ataladi. Bu guruhga kiritilgan libos tikuvchi-kutyurening individual ijodiy eskizlari asosida tikilib, mijoz figurasida “ideal tarzda turadi”. Bunday libosning yarmini qơlda tikish mumkin. U tikuvchi tomonidan yuqori sifatli, qimmatbaho matolardan odatda buyurtmachining shaxsiy ơlchamlari asosida tikiladi. Bunday libosning ham buyu rtmachi xohishiga qarab nushalari cheklangan bơladi. Amerika va Evropada Couture guruhidagi liboslarni badavlat, ta'minlangan insonlar kiyishadi ( bular yuqori darajadagi rahbarlar, siyosiy arboblar, mashhur kishilar hamda modani qadrlovchi, ijodkor odamlardir). Ular bu darajada kơp mablağni nima uchun sarflashganini juda yaxshi bilishadi. Couture tomonidan professional darajada tayyorlangan libos omad yoki iqtidor, alohida ijtimoiy maqomning ramzi bơlib, u uning egasi haqida ma'lumot berishi mumkin. Ta'kidlash zarur, biz bu ơrinda vintaj kutyure haqida fikr yuritmayapmiz. Couturedan sơng pret-a-porter de lux guruhiga xos liboslar keladi. Pret-a-porte delyuks (pret-a-porterning fransuzchadan sơzma sơz tarjimasi – “kiyish uchun tayyor” ma'nosini beradi) – yoqori sifatli buyumlardir. Bu yuqori sifatli matolardan tikilgan va oz seriyada chiqarilgan libosdir. Bu modellar modalar salonida yaratilmaydi. Oldin ular confection (tayyor kơylak) deb atalgan; ularda joriy vaqtning modasi aniq kơzga tashlangan, chunki bu dizayner fantaziyasi emas, balki “xalq ichiga kirishga” mơljallangan real modellar bơlgan. Evropa va Amerikada pret-a-porter de lux guruhiga kiruvchi liboslarni ơrta sinfning yaxshigina daromadlarga ega bơlgan vakillari kiyishadi, ya'ni bular ơrta tabaqaga xos rahbarlar va ularning oila a'zolari. Bu liboslardagi eksklyuzivlik faqat lyuks bozoriga xosdir. Ommaviy bozorda hech qanday eksklyuzivlikka ơrin yơq. Lyuks guruhiga mansub modellarni deyarli qalbakilashtirib bơlmaydi. Pret-a-porter kollektsya larida dizaynerlar keng ommaviy kiyishga mơljallangan modellarni taqdim etadilar. Bu guruh kollektsiyalari ham ơzining yuqori sifati bilan va aktual moda yangiliklarini ơzlarida aks ettirishi bilan alohida e'tiborga loyiqdir. Nazorat savollari: 1.Moda industriyasi deganda nimani tushunasiz? 2.Moda industriyasi taraqqiyotining asosiy bosqichlarini aytib bering. 3.Zamonaviy moda industriyasining dunyo iqtisodiyotida tutgan ơrni qanday? 4."Haute couture “ va “Pret-a-porter” kollektsiya tơplamlarining farqini tushuntirib bering.
1.Ф.Котлер,К.Л.Келлер.МаркетингМенеджмент12-е издание.Питер.2009. 2.Маркетинг в индустрии моды, изд Гревцов Паблишер,2009 3.Хелен Говорек. Закупки в сфере моды. Пер.с англ.Гревцов Паблишер. Минск.2009. 4.А. Пименов. Хочу- Вижу,изд. Омега,Москва.2010.
Brending tarixi Brend sơzi inglizcha brend sơzidan olingan bơlib, qizdirilgan temir, tamğa, fabrika markasi degan ma'nolarni bildiradi. Brend insoniyat tarixida birinchi marta Qadimgi Misrda qơllanilgan deb aytish mumkin. Chunki bu davrda ustalar ơzlari yasagan ğishtga ơz tamğasini qơyar edilar. Shuningdek, grek va rim shamdonlarida, xitoy chinnilarida ham dastlabki savdo belgilari qơyilganligi haqida hujjatli dalillar mavjud. Hindistonda ham mil.av. 1300 yilda savdo markalari qơllanganligi ma'lum. Brending O’rta asrlarda ham faol qơllanilgan, bunda tsex hunarmandlari ơz tovarlarini alohida belgi bilan belgilab qơyardilar. Bu aholining kơpayishi va bir hududda bir necha temirchi, toshyơnar, duradgorning paydo bơlishi bilan boğliq edi. Evropaning kơhna shaharlari, masalan, Zaltsburg va Rottenburgda sayyohlar bugunggi kunda ham temirchilar qo’ygan asl “savdo belgi”larini kơrishlari mumkin. 1266 yilda ingliz qonunchiligi har bir navvoydan ơzi tayyorlayotgan nonlarni belgi bilan ajratishni talab qilgan, bu konun nonlarning oğirligini nazorat qilish uchun chiqarilgan edi. AQSh chorvachilik tarixidan bizga ma'lumki, belgilar oldin mol-holning (sigir, qơzilarning) bir-biridan ajralib turishi uchun ishlatilgan bơlsa, keyinchalik belgilar muay n ferma ёki rancho gasining taqdim qilgan maxsulotining belgilashda qơllanila boshlangan. Bugungi kunga kelib brend sơzining dastlabki ma'nosi ơzgardi. Brendni yaratish (“breding” – “brand building”) va boshqaruv metodlari (“brend-menedjment”) marketingda alohida yơnalishga aylandi. Brend-menejment (BM), ya'ni brendni yaratish, uni boshqarish, bozorda ommalashtirish, ơzgaruvchan sharoitlarga moslashish jarayoni ơtgan asrning ơrtalarida vujudga keldi. Bir vaqtning ơzida brend-menejment bir necha mamlakatlarda rivojlanib bordi, ammo uning rivojlanishi asosan Buyuk Britaniyada va AQShda bo’lgan. Biz brend rivojlanish bosqichlarini AQSh misolida kơrib chiqamiz, chunki aynan shu mamlakatda brend-menejment tovarlarni boshqarishning rasmiy sistemasi sifatida vujudga kelgan. AQShda brend-menejment tarixi bir-biridan farqli tơrt bosqichga bơlingan. Birinchi bosqich 1870-1900 yillarni ơz ichiga oladi. Brendlar 1870 yilda AQShda shubhali kelib chiqishga ega bơlgan, yaxshi sifatli bơlmagan mahsulotlarga nisbatan alternativa sifatida paydo bơlgan. Bu vaqtda AQShda, butun dunyoda bơlganidek, tadbirkorlar ơz nomiga ega bơlmagan mahsulotlar – sovun, lampalar, turli yormalarni ishlab chiqarishardi, ularni ishlab chiqaruvchisi aniq bơlmasdan , keyinchalik mayda yoki yirik magazinlarda sotish uchun xarid qilinardi. Ishlab chiqaruvchi uchun bunday vaziyat foydali emas edi, chunki uning mahsulotini raqibining mahsulotidan hech qanday ajratishmasdi. Natijada ơyin qoidalarini ơzlari belgilab, qaysi ishlab chiqaruvchidan nima sotib olish kerakligini hal qilishardi. Boshqa tomondan fabrikantlar magazinlar xơjayinlarining talablarini qondirish uchun bir mahsulotning bir nechta variantini ishlab chiqarishga majbur edi. Masalan, Colgate 1906 yilda sovunning 160 turini, 625 xil atirni va 2000dan ortiq boshqa parfyumeriya mahsulotlarini ishlab chiqarardi. Mahsulotni tashish sistemasining yaxshilanishi, ishlab chiqarish jarayoni rentabelligining oshishi, mahsulotni qadoqlashdagi yangiliklar, qonunchilikda savdo markalarini himoya qilish haqidagi qonunlarning paydo bơlishi, reklama effektivligining kuchayishi, sotuvning yangi metodlari paydo bơlishi “ishlab chiqaruvchining brendi” vujudga kelishiga asos bơldi. Ơsha paytda ommaviy xaridor tomonidan brendlarning paydo bơlishi juda yaxshi qabul qilindi. Bu yangilik brendli mahsulotni sotib olayotganida xaridorda hech qanday shubha qoldirmas edi, chunki iste'molchi bu brenddan qoniqmasa, keyinchalik undan mahsulot sotib olmasligi aniq edi. Firma egalari va ularning yordamchilari (ularni tarixdagi birinchi top-menedjerlar deb hisoblash mumkin) shunday ommaviy iste'mol mahsulotlarini yaratishdiki, ular juda omadli brendlarga aylanishdi va ularning kơpchiligi bugungi kunda ham mavjud. Bu jarayon bilan parallel ravishda, uni tơldirgan holda mahsulot sifatini tubdan yaxshilash, uni tarqatish va reklama qilish ishlarida ham katta ơzgarishlar yuz berdi. Ikkinchi bosqich 1915-1929 yillarni ơz ichiga oladi. Bu bosqichda ommaviy iste'mol tovarlarini ishlab chiqaruvchilar mavjud brendlarni rivojlantirish hamda yangilarini yaratish va joriy qilish bilan ơz yutuqlarini mustahkamladilar. Bu davrda ơrta darajadagi menejerlar kategoriyasi vujudga keldi, ular mahsulotni bozorda ommalashtirish hamda reklama va tadqiqot agentliklari bilan ishlash bơyicha yetarli tajriba tơpladilar. Uchinchi bosqich juda oğir yillar – 1930-1945 yillarga tơğri keldi. Bu yillar davomida Buyuk Depressiya va Ikkinchi Jahon urushi bơlgan bơlsa-da, brendlarni boshqarish kơplab yirik firmalarda ommalashdi. Bu davrda brend-menejment sistemasi tushunchasi paydo bơldi, u Procter & Gamble va boshqa kompaniyalar tomonidan ơz faoliyatini boshqarish sistemasi sifatida kiritildi. Ammo BM bu vaqtda keng tarqalmadi. Tơrtinchi bosqich 1945 yildan to bugungi vaqtgacha bơlgan davrni ơz ichiga oladi. Bu davrda kơplab firmalar ơzlarida brendni boshqarish sistemasini joriy qilishdi. Har bir brend bir nechta tarkibga ega bơladi. Mahsulotning formulasi original bơlmagan taqdirda ham brendning pozitsiyasi, yơnaltirilganligi, “shaxsiy”ligi (personali ) mahsulotlarni bir-biriga farqlaydi. Brendlar tuzilishiga bơlgan bunday yondashuv yaqinda paydo bơldi. Brend tushunchasining paydo bơlishidan oldin ular faqat bir mahsulotni boshqa mahsulotdan farqlovchi nom sifatida qabul qilinar edi. Masalan, Bates Worldwide reklama agentligida “Noyob Savdo Taklifi” nazariyasi (UTP, Unique Selling Proposition) ishlab chiqilganki, u bugungi kunda ham brendni yaratishda qơllaniladi. Hozirgi paytda iste'mol bozori tovarlarining brendbuildingi (Fast Moving Consumer Goods) brendning tơrt ba'zida esa olti qismdan iborat bơlgan zaruriy formulasini keltiradi: Produkt (mahsulot), Prise (narx –navo kơrsatkichi bơyicha pozitsirovanie), Place (brendning bozor yoki distributsiya sistemasidagi ơrni), Promotion (brendni ommalashtirish va reklama qilish usullari), Package (qadoqlash - brendning yuzi sifatida), People (insonlar - mijozlar bilan ơzaro aloqa qilish usuli, brend muxlislari). Zamonaviy dunyoda, ya'ni bozor juda kơp miqdordagi tovarlarni taklif qilayotgan vaqtda zamonaviy iste'molchini aldashning imkoniyati yơq. Hech kim ơzi uchun manfaatli bơlmagan marka uchun ortiqcha pul tơlashni istamaydi. Brending kơpgina bozorlarda biznessni yaritishda eng muhim instrument hisoblanadi. Aytish mumkinki, bugungi kunda brending marketingni boshqarish uchun yangi asos hisoblanadi. Oxirgi ơn yilliklarda kơplab kompaniyalar tomonidan turli xalqaro bozorlarda markentingni boshqarishga bơlgan bunday yondashuvning effektivligi amalda isbotlandi. Bu esa brending haqida marketing strategiyasi sifatida gapirish imkonini beradi (V.Tamberg). Bu umumdunyoviy tendentsiyadir. Dunyodagi kơplab tadbirkorlar bu pozitsiyani qơllab-quvvatlaydilar. Shubhasiz, tovarlar yoki xizmatlar bozorining umumiy holati va narx-navo muhim faktorlar hisoblanadi, ammo aynan stabil ơsish bozordagi narxlarning tebranishiga qarama-qarshi turishi mumkin. Omadli kompaniya ơziga xuddi “vulqonning ustida yashayotgandek” yashashni ep kơrmaydi. U xomashyo sotib olish, ishlab chiqarishni rejalashtirish, hamkorlik munosabatlarini qurish uchun iste'mol talabini tơğri prognoz qila olish zarur. Omad kaliti - bu kuchli brend va sadoqatli iste'molchilardir. Yuqorida bildirilgan fikrlardan ma'lum bơladiki, “brendlar bilan qiziqish” bu shunchaki modaga rioya qilish emas. Brend bizness va jamiyatning ơzaro munosabatlari tarixiy rivoji bilan shartlangan marketing strategiyasining bir qismidir.
Adabiyotlarda “brend” tushunchasining umumiy ta'rifi keltirilmagan, shuning uchun mavjud bơlganlarning ayrimlarini keltirib ơtamiz. Brend – raqobatchilardan farqlanish maqsadida aniq sotuvchi yoki sotuvchilar guruhining tovarlari va xizmatlarini belgilash uchun qơllanadigan sơz, ifoda, belgi, simvol, dizaynerlik ishi yoki ularning kombinatsiyasidir ( bu ta'rif Amerika Marketing Assosiatsiyasi (American Marketing Assosiations) tomonidan ishlab chiqilgan). Brend – aniq bir ishlab chiqaruvchining tovarlari yoki xizmatlarini identifikatsiya qilish, shuningdek, uni raqobatchilar mahsulotidan differensiya qilish uchun mơljallangan nom, termin, simvol yoki rasm yoki shu elementlarning kombinatsiyasidir (Karl Bondorff, Lindbi biznes kolledji professori, “Modeli i instrumenti marketinga» asaridan olingan fikr). Brend - aniq tovar yoki kompaniyani identifikatsiya qilish uchun qơllanadigan noyob ism, simvol, dizayn yoki obrazdir. Brend – mahsulot xususiyatlari: uning nomi, qadoği, narxi, tarixi, obrơ- e'tibori, reklama qilish usulining yiğindisidir. Brend - bu xaridorda tovardan foydalangandan keyin qoladigan taassurotlarning kompleksidir (David Ogilvi). Brend quyidagilarda yordam beradi: 1. Tovarni identifikatsiya qilish, ya'ni tovar islatilishi bilanoq tanilishi kerak. 2. Raqobatchilar mahsulotlaridan ajralish, ya'ni mahsulotni umumiy massadan ajratish. 3. Iste'mochilarda yoqimli obrazni hosil qilish, ya'ni brend ularda ishonch uyğotishi zarur. 4. Tovar bilan boğlangan turli emotsiyalarni jamlash. 5. Xaridorda sotib olish haqida qarorning paydo bơlishi va tanlovining tơğriligiga ishonch hosil qilish, ya'ni qabul qilgan qarorining tơğriligidan qoniqish hissining paydo bơlishiga yordam beradi. 6. Brend bilan ơz hayoti obrazini assotsiatsiya qiluvchi doimiy xaridorlar guruhini shakllantirish. Brendning xarakterli xussusiyati shundaki, u unga nom bergan tovardan ajralishi va ơzi mustaqil tovarga aylanishi mumkin. Ya'ni haqiqiy brend har doim yuqori bahoga loyiq bơladi. Aynan shu masala u yoki bu savdo markasini brend bơlishi yoki bơlmasligini hal qiladi. Psixologik nuqtai nazarga kơra, insonlar ơzaro reklama kommunikatsiyasiga kirishish va ơz-ơzini namoyon qilish vositasi sifatida ham brenddan foydalanishi mumkin. 3. “Brend” va “Savdo belgisi” Odatda kơpgina mualliflar “savdo belgisi” va “brend” tushunchalari ơrtasida farq borligini ta'kidlashadi, chunki bu kategoriyalarni tushunishda bir qator chigalliklar mavjud. Yuridik jihatdan (fuqarolik Kodeksiga kơra) “tovar belgisi” tushunchasi mavjud bơlib, u mahsulot individualizatsiyasining vositasi sifatida belgilanadi, bu belgiga tashkilot yoki mulkdlorlik kompleksi ega bơlish huquqiga egadir. Parij konventsiyasiga kơra, tovar belgisi - sotishga ruxsat berilgan har qanday mahsulotning zaruriy atributidir. Tovar belgisi – bu firmaning nafaqat reklamasi, balki u ishlab chiqargan tovar sifati uchun mas'ulligi hamdir. Dunyoda 5 mln.ga yaqin tovar belgilari mavjud. Kundalik nutqda “tovar belgisi”ni kơproq “tovar markasi” deb atashadi. Shu tariqa, “tovar belgisi” – bu yuridik tushuncha bơlib, “brend” esa marketing terminidir. Savdo markasi nomidan, grafik tasvir (logotipdan) va kompaniya (tovar) ning tovushli simvollaridan iborat bơlib, barcha kompaniyalar savdo markasiga ega. Ammo juda kam kompaniyalar ơz brendlariga egadirlar. Brendni, ơz navbatida ( yuqorida bildirilgan fikrlar asosida), ijtimoiy, emotsional, funktsional va iqtisodiy faktorlarning ơzaro ta'siri sistemasi sifatida qarash mumkin. Bundan shuni xulosa qilish mumkinki, brend – bu ongimizda savdo markasi va mahsulotning u mavjud bơlgan vaqtda foydalanuvchilarda yuzaga kelgan, emotsional munosabat bilan bezalgan barcha xarakteristikalarining qơshiluvidir. Masalan, uyali telefonlar haqida gapirilganda birinchi bơlib Nokia brendi yodga kelsa, atirlar tơğrisida sơz ochilsa, CHANEL brendi esga olinadi.
Marketing amaliyotida brendlarning bir nechta xussusiyatlari borligi ta'kidlanadi. 1. Har bir brend unga xaridorlar va potentsial mijozlar tomonidan berilgan muayan atributlar - funktsional va emotsional assotsiatsiyalarga ega bơladi. Brendning artibutlari pozitiv ham, negativ ham bơlishi mumkin, ular bozorning turli segmentlari uchun har xil kuchga ega bơlishi mumkin. 2. Har bir brend uning mohiyatini belgilovchi bosh, asosiy xarakteristikaga ega bơladi (Brand Essence). 3. Brendning barcha atributlari yiğindisi brend bơyicha mutaxassis yaratadigan va saqlab turadigan brendning individualligini (Brand Identitu) tashkil qiladi. Brendning individualligi brend nimani bildirishi va brend mualliflarining iste'molchilarga nisbatan uzoq muddatli va'dalarini ifodalaydi. 4. Har bir aniq vaqt davomida har qanday brend muayan imidjga ega bơladi - bu shu damda iste'molchilar ongida mavjud bơlgan assotsiatsiyalarning noyob yiğindisidir. Bu assotsiatsiyalar brendning aynan shu paytda nima ifodalayotganini bildiradi, ular brend mualliflarining iste'molchilarga aynan shu paytdagi va'dalaridir. Hususan, brend imidjini reklama kompaniyasi ham shakllantirishi mumkin. Brend imidji – bu xaridorlarning aynan shu paytda ongida mavjud bơlgani bơlsa, brendning individualligi sa uzoq muddatlar bilan boğlanuvchi tushunchadir. Taniqlilik darajasi bơyicha brendlar turlari. Brend har qanday hodisa kabi iste'molchilar ongiga ta'sir kơrsatish va ular xohishlarini shakllantirish imkoniyatiga ega. Kuchli brend – bu shunday brendki (strong brand), uni mazkur tovar kategoriyasi iste'molchilarining 60% yaxshi biladi boshqa markalardan ajratib oladi. Rivojlanayotgan brendni 30% dan 60% gacha iste'molchilar tanishadi va ajratishadi. Zaif brend – bu raqobatchilar orasidan 30% iste'molchilar tanib oladigan brenddir.
Brending nazariyasining yirik mutaxassislaridan biri Linn Anshouning fikricha, brend tushunchasi an'anaviy tarzda tushunilayotgan tushunchadan ancha kengdir. U brendning bozorda ơz ơrniga ega bơlgan bir nechta tiplari mavjudligini ta'kidlab, quyidagi tasnifni taklif qiladi: 1.Tovarlar brendlari (Produkt brands) – bu bozorda paydo bơlgan brendlarning eng birinchisidir. Ular brendingning asosi, yadrosi hisoblanadi, chunki ular brendning boshqa tiplariga nisbatan miqdoriy ustunlikka ega va iste'molchilar tomonidan birinchi navbatda eslanadilar. 2.Servis (xizmat) brendlari (Service brands) - bozorda bu brendlar tovarlar brendlariga nisbatan kam, chunki kơzga kơrinib, sezish organlariga ta'sir etishi qiyin bơlgan xizmatlarni chiroyli holda taqdim qilish ancha murakkabdir. 3. Tashkilotlar brendlari (Organizational Brands) – bu korporatsiyalar, notijorat tashkilotlari, siyosiy partiyalar, ta'lim muassasalarining brendlaridir. 4. Voqea-hodisalar brendlari ( Event brands) – bu doimiy ravishda sport, shou biznes va san'at olamida yuz beradigan voqea-hodisalar brendlaridir. Bu kabi tadbirlar tashkilotchilari ơz maqsadlariga kơpincha brendingning an'anaviy instrumentlaridan foydalanish orqali erishadilar. Ishlab chiqaruvchilar ơz mahsulotlarini nufuzli sport turnirini namoyish qilish vaqtidagi tanafuslarda reklama qilishga intilishadi va bu brendning bahosi hisoblanadi. 5. Shaxslar brendlari (Personal Brands) – sportchilar, xonandalar, siyosatchilar, biznesmenlar har doim ham insoniyat jamiyatida mavjud bơlishgan, ammo ular aynan bugungi kunda boshqa brendlarga ơxshab qolishdi. Ularning brend sifatidagi xususiyati shundaki, ularning mashhurligi ơz faoliya tidan tashqari juda keng sohalarga tarqaladi, sportchilar va siyosatchilar reklamada, xonandalar – kinoda suratga tushadilar, akterlar va biznesmenlar sport musobaqalari ơtkazadilar va b. 6. Geografik brendlar (Geographical brands) - bular shaharlar, mamlakatlar, kurortlardir. Brendning bu turi turistik biznesda juda ommalashmoqda. Masalan, Sent-Mortsdagi toğ-chanği kurorti, Frantsiyadagi Riv era va Seyshel orollari shunday brendlarga misol bơla oladi.
Ishlab chiqarishni rejalashtirishdan avval marketing tadqiqotlarini ơtkazish va mahsulotni baholash lozim, ya'ni mahsulot : - butunlay yangi; - ishlab chiqaruvchi uchun yangi (raqobatchilarning harakatiga javob sifatida); - yangi avlod vakili, yaxshilangan konfiguratsiyaga ega; - an'anaviy (line extension), assortimentni kengaytiradigan, raqobatchilardan nishani olib qơyadigan bơlishini belgilab olish kerak bơladi. Sơngra marketing nishasi ishlab chiqiladi. Ushbu guruhdagi raqobatchi-markalar va ularning qanchalik darajada ơrnashganliklari aniqlanadi. Kim ushbu mahsulotdan foydalanadi, kim uni sotib oladi, kim konsultatsiya beradi yoki ekspertizani ơtkazadi, bularning barchasi oxirigacha aniqlanadi. Bơlğuvsi brendning narx/ sifat sistemasidagi pozitsiyasi shakllantiriladi, ya'ni ushbu brendni qaysi xaridorga sotish va undan qanday foyda olish mumkinligi hisoblanadi.
Brendlar portfelini rivojlantirish strategiyasi yoki brending nuqtai nazariga kơra brendlar arxitekturasi ishlab chiqiladi (Promotion). Portfelning ikkita modeli mavjud: “zontikli”, uni yana Branded House deb ham atashadi (brend –tom, umumiy uy), ikkinchisi alohida brendlarning kompleksi - House of Branded (brendlar uyi). Birinchi vaziyatda barcha kuchlar tovarlarning hamma guruhlarini qamrab oladigan yagona brendni yaratishga qaratiladi. Masalan: Jonson & Jonson (bunda tana va sochni parvarishlovchi vositalar bir nom ostida chiqariladi). Zontikli brendning yorqin namunasi – “Genius” savdo markasidir, u turli asbob-uskunlar, kompyuter sichqonchalaridan tortib skanerlargacha taklif qiladi. Reklama byudjetining bir yơnalishga yơnaltirilganligi ham iste'molchilar e'tiborini tortadi. Ba'zida mega brendlarning reklama byudjetlari alohida brendlar byudjeti summasidan yuqori bơladi. Firma magazinlari yoki butiklar (“Iv-roshe” kosmetikasi) uchun bu usul optimal hisoblanadi. Ammo iste'mol bozorida tovarlarni supermarketlar tarmoği orqali sotish vaqtida bitta peshtaxtada brendning barcha turdagi mahsulotlarini joylashtirish imkoni bơlmaydi (shampunlar alohida, kremlar alohida joylashtirilishi ma'lum), shunda brend bơlinib ketishga majbur bơladi. Bu kabi megabrendlar rivojida muayyan tavakkalchilik ham mavjud: birgina mahsulotning omadsizligi tovarlarning barcha guruhlariga ta'sir kơrsatishi va brendni parchalanishi mumkin.
Har qanday brendga nom kerak. U tanlangan segmentga mos kelishi zarur, aksincha bơlsa, stereotiplarni engish uchun qơshimcha harajatlar qilishga majbur bơlinadi. 4. Brend imidjini yaratish. (“Brand Image”) “Brend qurilishi” bơyicha mutaxassislarning ayrimlari (“Brand Building”) “brend-zina”ning quyidagi bosqichlaridan foydalanishni taklif qiladilar: ◊ identifikatsiya (u nima?) ◊ ahamiyati (u nima uchun?) ◊ reaktrsiya (men u haqida nimani ơylayman?) ◊ munosabat ( u bilan qanday assotsiatsiyalar boğliq?). Kevin Keller esa brendni olti blokdan tarkib toptiradi: ◊ xarakterli xususiyatlari ◊ foydalanish xususiyatlari ◊ imidj
◊ baholash va his-tuyğular ◊ rezonans (qanday his-tuyğular). Boshqalar nishon qurib, “nishonga otadilar” (brand target, brand wheel) yoki tovarga shaxsiy xussusiyatlarni berishga urğu beradilar. Bunda brendga insoniy fazilatlar beriladi va u shu tarzda “jonlantiriladi”. Turli metodikalarni umumlashtirgan holda brend yaratishning quyidagi algoritmini hosil qilish mumkin: Taqdim qilinayotgan xususiyatlar bir qator savollarga javob berishi zarur: 1. Nima? Ob'ektning jismoniy va funktsional xususiyatlari. Atributlar. 2. Qanday muammoni hal qiladi? Ob'ektdan foydalanishning ahamiyati. Ustunligi. 3. Kim bilan? Ob'ektdan foydalanish qaysi ijtimoiy guruh bilan yaqinlashtiradi. Personallik. 4. Iste'mol qilishda qanday emotsiyalar kuzatiladi. Nima assotsiatsiya hosil qiladi? Qiymati.
Bu bosqichda logotip, qadoqlash, reklama, mahsulotini ishlab chiqishga yơnaltirilgan texnik vazifalar rasmiylashtiriladi, ayrim vaziyatlarda mahsulotning dizayni ham yaratiladi. yana yangi brend kirib borishi zarur bơlgan savdo makonini ta'riflovchi brif vazifaga ham ehtiyoj seziladi. 6. Brend hayotining tsikllari. Brendni chiqarish (dastlabki qadamni bosish va ơsish). Bu brend-byuldingdagi eng kơp harajat talab qiladigan bosqichdir. U bir nechta davrlarga bơlinadi. Boshlanğich davr uchun asosiy vazifa ơsish sur'atini oshirish yoki qisqa davr ichida maksimal darajadagi sotuvga yarishishdan iborat bơladi. Sotishni joriy qilish bơyicha texnik vazifalarni hal qilish va infrastrukturani rivojlantirishdan tashqari abl va btl instrumentlarining barcha guruhlari bơyicha markani bozorga olib kirish uchun kompleks reklama kompaniyasi ishlab chiqiladi. Mediarejalashtirish asosiy urğuni auditori yani maksimal darajada qamrab olishga e'tibor qaratadi. Tovar aylanishi har qanday vaziyatda ơsib boradi (“Pivo Pit” 6 oy davomida oborotni 16% ga oshirdi, ammo shu tushunarliki, bu reklamaga emas, balki yangi tovarga bơlgan reaktsiyadir). Ammo bu davrda realizatsiya reklamaga bơlgan harajatlarni qoplashi mumkin emas, ya'ni bu davrda brend hali sof foyda keltirmaydi. Massiv reklama kompaniyasi distributiv tarmoqning ơsishi bilan tơliq muvofiqlashtirilishi zarur. Peshtaxtalarda yơq mahsulotni reklama qilish mumkin emas. Shuning uchun brend-menejment, logistika, sotish jarayoni bitta zanjirning halqalari hisoblanadilar. Bu davrda brendni chiqarish katta harajatlar bilan boğliq bơladi, ya'ni u uzoq muddatli investitsiyalarni talab qiladi. Yetuklik davri. Asosiy vazifa - uzoq muddat davomida katta hajmdagi sotish darajasini ushlab turish va dividentlar olishni boshlash. Bir tomondan, harajatlarning optimizatsiyasi, pasayishi kuzatilsa, boshqa tomondan turli marketing tadbirlari ơtkaziladi, tashkilotning barcha zvenolari ishi yaxshilanadi, personal, dilerlar rağbatlantiriladi, foyda olish jarayoni boshlanadi. Bu davrdagi marketing tadqiqotlari ơzining birinchi xaridini qilganlarga yơnaltirilgan bơladi. Reklama –informatsion tadbirlar tanlovning tơğriligiga, imidjni shakllantirishga qaratilgan bơladi. Aynan shu davrda doimiy xaridorlarni rağbatlantirish dasturlari ishlab chiqiladi – “brand loyalty”. Brendning eskirishi (inqirozi). Vaqt ơtishi bilan uchinchi bosqich – pastga qarab ketish bosqichi boshlanadi. Bu muddatning kelishini uzoqlashtirish uchun faqat reklama tadbirlari bilan cheklanib qolmaslik zarur. Brendni sifatli tarzda rivojlantirish va tovarga xaridor diqqatini jalb qilishning yangidan - yangi usullarni ơylab topish zarur bơladi. Hayot ơzgarib, yangi ustuvor yơnalishlar paydo bơlmoqda, bozordagi vaziyat ơzgarmoqda. 6.Brend menejerning vazifalari. Brend-menejerning asosiy vazifasi pozitsiya tanlash orqali brend kapitalini, brend imidjini yaratish va uni kommunikatsiya vositasiga aylantirishdan iborat. Ularning birinchisi bozorga yơnaltirilgan bơlsa, ikkinchisi kompaniya ichkarisiga yơnaltirilgan. ya'ni brend-menejer ichki marketing instrumentlari vositasida (ham tashkiliy ham kommunikatsion) maqsadlar umumiyligiga va har bir insonning brend kapitalini shakllantirish va natijada brendning bozorda muvaffaqiyat qozonishidagi rolini tushunib yetishiga erishishi zarur. Brend imidjining shakllanishi kompaniyaning har bir xodimiga boğliq. Shu tariqa, brendning ichki ơrni bu kompaniya ichidagi turli auditoriyalarning (rahbariyat, aktsionerlar, moliyaviy va ishlab chiqarish xizmati, umuman, barcha personal) brendga bơlgan munosabati, u haqidagi tasavvurlaridir. Maqsad – kompaniyaning har bir xodimini brend ğoyasining tashuvchilariga aylantirishdir. Bunda har bir harakatlar ơz oldiga quyidagi maqsadlarni qơyishi kerak: Xabardorlik. Har bir xodim brendning maqsadini bilishi va tơğri talqin qila olishi zarur. Tushunganlik. Har bir xodim ham, komanda ham brendning bozordagi maqsadlari, kơrinishi va pozitsiyasini tushunishi kerak. Qamrab olinganlik. Pozisionirovaniye kompaniyaning har bir xodimini qamrab olishi lozim. Ilhom olish. Butunlay qamrab olinish ilhom bağishlashishi kerak, markani xaridor kơzi bilan kơra olish zarur. Yơnaltirilganlik. Komanda brendning pozitsiyasini belgilovchi standart va ahloqiy normalarga ega bơlishi zarur. Eg’iluvchanlik. Brendning bozordagi pozitsiyasi evolyutsiyasi brendga nisbatan firma ichidagi munosabat rivojini talab qiladi. Iste'molchining talablariga mos keluvchi tơğri ichki yơnalishini tanlash - tashqi yutuğining garovidir. Nazorat savollari: 1.Brending tarixi qaysi davrdan boshlanadi? 2.Brend deganda nimani tushunasiz? 3.Marketing amaliyotida brend qanday xususiyatlarga ega bơladi? 4.Brendni yaratish bosqichlarini aytib bering. 5.Brend imidji deganda nimani tushunasiz? 6.Brend menejerning asosiy vazifalari nimalardan iborat?
1.Ф.Котлер,К.Л.Келлер.МаркетингМенеджмент12-е издание.Питер.2009. 2.Маркетинг в индустрии моды, изд Гревцов Паблишер,2009 3.Хелен Говорек. Закупки в сфере моды. Пер.с англ.Гревцов Паблишер. Минск.2009. 4.А. Пименов. Хочу- Вижу,изд. Омега,Москва.2010
Tikuvchilik fabrikasining bơlimlarining strukturasi kompaniyaning kattaligiga va ishlab chiqarish hajmiga boğliq bơladi. Katta firmalar kichikroq firmalarga nisbatan kơproq bơlimlarga ega bơladi. Zamonaviy kompaniyalarda yuzdan ortiq xodimlar ishlashi mumkin, ular ikkita vazifani bajarishlari mumkin masalan: ishlab chiqarish boshqaruvchisi va sifatni nazorat qilish menejeri, dizayner va modeler konstruktor. Tikuvchilik sanoati korxonalari quyidagi bơlimlardan iborat: -dizayn;
-marketing va savdo; -ishlab chiqarishni kalkulyatsiya qilish; - matolarni bichish bơlimi; -ishlab chiqarish; -oirgi ishlov berish; -omborxona.
Ishlab chiqaruvchi korxonada bir nechta yoki katta guruh dizaynerlar ishlashi mumkin. Ularning soni korxonaning kattaligiga boğliq bơladi. Dizaynerlar guruhini menejer boshqaradi. Dizaynerlar andoza tayyorlashga javob beradilar, ularga konstruktor modelerlar yordam beradilar. Har bir dizayner bitta yoki bir necha reteylerlar bilan ishlashi mumkin. Dizayner yaratgan modelni birinchi nushasi korxonada dizayner nazorati ostida tikuvchi tomonidan tikiladi. Dizaynerlar yangi modellarni yaratishdan oldin, ushbu modelni ishlab chiqarishni rejalashtirgan korxona tơğrisida tơliq ma'lumotlarga ega bơlishi kerak. Korxonaning tikuvchilari ham dizaynerlarga yangi modelni yaratish jarayonida ơzlarining maslahatlari bilan yordam berishlari mumkin. Dizaynerlar mahsulotni rejalashtirish jarayonida ham albatta ơz fikrlarini bildirishlari kerak. Dizayn bơlimi matolar va furniturani tanlashga va buyu rtma berishda ishtirok etadi. 3.Marketing va sotuv bơlimi. Kichik tikuv korxonalarida bitta sotuv bơlimi vakili ishlashi mumkin, lekin yirik tikuvchilik korxonalarda katta marketing va sotuv bơlimi faoliyat kơrsatadi. Bu bơlimni direktor boshqaradi. Ushbu bơlim koxonaning ishlab chiqargan tovarini sotish uchun reteylerlar bilan ơzaro aloqani ơrnatish bilan shuğullanadi. Bơlimdagi xodimlar korxonaning ishlab chiqarish hajmi tơğrisida tơliq ma'lumotlarga ega bơlishi kerak. Shundagina ular sotilishi kerak bơlgan mahsulotni sonini va bahosini belgilaydilar. Marketing va sotuv bơlimi hodimlari reteylerlar bilan majlis ơtkazishganda, dizaynerlar ham ishtirok etishlari shart. Reteylerlar buyurtmaning hajmi va bahosi bilan shuğullansa, dizaynerlar matolar va dizayn bilan shuğullanishadi. Marketing va sotuv bơlimining mutahassislari merchandayzerlar bilan ham xamkorlik qiladilar, chunki ular mahsulotni sotish joylariga kelishilgan vaqtda yetkazib berishga javob beradilar. 4.Ishlab chiqarishni kalkulyatsiya qilish bơlimi. Ishlab chiqarish korxonasida ishlab chiqarishni kalkulyatsiya qilish bơlimi faoliyat kơrsatadi. Bu bơlimni asosiy vazifasi ishlab chiqarishni kalkulyatsiya sini tuzish hisoblanadi. Ushbu tuzilgan kalkulyatsiyasida ular bitta mahsulotni ishlab chiqarish uchun sarflanadigan matolar, furnituralar, ishlov berish harajatlarining narhini hisoblashadi va foyda miqdorini aniqlashadi. Bayerlar shunday hujjatni qisqa vaqt ichida tuzib berishlarini talab qilishadi, lekin bunday hujjatni tuzishdan oldin mahsulotni namunasi tikilishi va tahlil qilinishi lozim. Ayrim vaqtlarda tajribali dizaynerlar yoki sotuv bơlimining xodimlari mahsulotning tannarhini namuna tayyorlamasdan faqat model eskiziga qarab turib hisoblab berishlari mumkin. 5.Sifatni nazorat qilish bơlimi. Fabrikada odatda bir nechta sifatni nazorat qilish inspektorlari (kompaniyaning kattaligiga boğliq) faoliyat kơrsatadi. Ular fabrikada ishlab chiqarilgan tovarni sifatini nazorat qilishga javobgar bơladilar. Katta korxonada bunday bơlimni alohida menejer boshqaradi. Reteylerlar bilan muloqotda bơlib, sifatni nazorat qilish inspektorlari sotiladigan tovarni sifatiga javob beradilar. 6.Matolarni bichish bơlimi. Kơp katta tikuvchilik fabrikalarda matolarni bichish bơlimi faoliyat kơrsatadi, lekin shunday ishni bajaradigan alohida firmalar ham bor.Ularni hizmatlaridan katta hajmdagi buyurtmalarni bajaradigan yirik kompaniyalar foydalanadi. Modelni razmer qatori tasdiqlangandan sơng, bichuvchi andozalarni gazlamalarga iloji boricha kam chiqindi chiqadigan qilib joylashtiradi. Ommaviy ishlab chiqarishda gazlamalar kơp taxlamalardan iborat bơlib, ularning ustki qismiga andozalar joylashtiriladi. Kơp fabrikalarda elektromotorda ishlaydigan tơğri pichoqli bichish mashinalari qơllanadi. Ular yordamida konstruktorchi modeler andozalarni joylashtirish rejasiga binoan, gazlamalarni bir necha tahlamini kesib oladi. Hozirgi kunda bichish uchun yangi zamonaviy texnologiyalar yaratilmoqda. Shulardan lazer,suvli,ul trazvukli kesish texnologiyalari eskilarini ơrnini egallamoqda. Bichilgan mahsulot markalanadi va boğlab ishlab chiqarish tsexiga boriladi. 7.Ishlab chiqarish bơlimi. Ishlab chiqarish bơlimini menejer boshqaradi. Menejerning asosiy vazifasi mahsulotni tikishni rejalashtirish hisoblanadi. Fabrikalarda odatda mahsulotni tayyorlash jarayoni potokli liniyalar bơyicha amalga oshiriladi, bunda tikuvchilar bir qatorda ơtirishadi ularga bichilgan ơramlarni uchastka masterlari yetkazib turishadi. Ishlab chiqarishda foydalanadigan texnologiyani ikki turi mavjud-chelnok chokli tikuv mashinalari va overloklar. Birinchi tikuv mashinalari kiyim detallarini biriktirish va ularga turli choklar bilan ishlov berish uchun ishlatiladi. Overloklar yordamida choklarni chetlariga. sitilib ketmasligi uchun ishlov beriladi. Mahsus tikuv mashinalarining turlari juda kơp.Bunday mashinalardan yashirin chokli va tekis choklilari trikotaj gazlamalariga ishlov berishda ishlatiladi. Tikuvchilar aynan kiyimning bir detalini tikishga ihtisoslashgan bơladilar. Uchastka masterlari juda tajribali tikuvchilardan tanlab olinadi. Tayyor mahsulot dazmollash va buğ bilan ishlov berishga boriladi. Mahsulot sifati sifatni nazorat qilish inspektorlari tomonidan tekshiriladi va sifatsiz mahsulotni tikuv tsexiga boshqa tikish uchun qaytariladi. Yaroqsiz tovarlar ikkinchi navli deb tasdiqlanadi va reteylerlarga berilmaydi. Omborxona. Tayyor mahsulotlar maxsus paketlarda qutilarga joylanadi yoki ilgichlarga osib qơyiladi. Shu paytda sifatni nazorat qilish bơlimidagi inspektorlar yana bir marotaba mahsulotni sifatini tekshirishlari mumkin. Shundan sơng mahsulot reteylerning omborxonasiga boriladi va sơnggi marta savdo dơkonlariga borilishidan oldin sifati tekshiriladi. Nazorat savollari: 1.Zamonaviy kompaniyalarning tuzilmasi qanday? 2.Dizayn bơlimining vazifalari nimalardan iborat? 3.Tikuvchilik korxonasining bơlimlarini aytib bering. 4.Sifatni nazorat qilish bơlimining asosiy vazifalarini ayting.
1.Ф.Котлер,К.Л.Келлер.МаркетингМенеджмент12-е издание.Питер.2009. 2.Хелен Говорек. Закупки в сфере моды. Пер.с англ.Гревцов Паблишер. Минск.2009.
Professional Fashion – bayer – bu har tomonlama rivojlangan, nafaqat ơzaro munosabatlarni qurish va tashkilotchilik qobiliyatiga ega bơlgan, balki mahsulot va u bilan boğliq jarayonlar bo’yicha chuqur bilimga ega bơlgan insondir. Bu kasb qiyin bơlib, ushbu kasb bilan shuğullanmoqchi bơlganlardan mustahkam iroda va fidokorlikni talab qiladi. Mazkur sohaning mutaxassislari ma'lum kompaniyaning aniq bozori uchun mơljallangan mahsulotlarni tanlash bilan shuğullanishadi. Masalan, ular ommaviy bozor uchun ayollarning kechki kiyimlari yoki bozorning ơrtacha segmenti uchun ayollar ichki kơylaklarini tanlab olish vazifasi bilan shuğullanadilar. Bayerlar ơz ishlarida muvaffaqiyatga erishishlari uchun quyidagilarni bajarishlari zarur:
Yüklə 0,96 Mb. Dostları ilə paylaş:
|