167. Yuyucu maşınların maşinisti İşin xüsusiyyəti. 3-cü dərəcə Əsas maşın və avadanlıqların ayrı-ayrı hissələrinin, detal və birləşmələrinin çıxarılaraq yuyulması, dezinfeksiyası və sterilizə edilməsi, həmçinin bakların, balonların, sistern və digər xüsusi taraların yuyucu avtomat maşınlarında yuyulması. Çirkləndirici qalıq maddələrin qabaqcadan təhlili, onların kimyəvi tərkibinin müəyyənləşdirilməsi. Yuyucu məhlulun reseptinin seçilməsi. Qalıq maddələrinin neytrallaşdırılması. Maşın və avadanlıqların cari təmiri və sazlanması.
Bilməlidir: müxtəlif növ maşın və avadanlığın quruluşu və sazlanması qaydasını; yuyucu məhlulların keyfiyyət və kəmiyyət tərkibinin müəyyənləşdirilməsi ilə əlaqədar hesablamaları; yuyucu məhlulların kimyəvi xüsusiyyətlərini.
168. Yuyucu maşınların maşinisti İşin xüsusiyyəti. 4-cü dərəcə Axınlı-konveyer xəttində birləşmiş maşın avtomatlarda müxtəlif aparat, detal və birləşmələrin, maşın və avadanlıqların yuyulması prosesinin aparılması. Avtomat maşınlar sisteminin idarə pultunun işə salınması. Nəzarət-ölçü cihazlarının, idarə pultunun avtomat sisteminin göstəricilərinə əsasən maşınların iş rejiminin tənzimlənməsi. Vibroqidalandırıcının və qidalandırıcı sistemin tənzimlənməsi. Avtomatların işində olan kənarlaşma hallarının aşkar edilməsi və aradan qaldırılması və avtomatik sazlanmasında iştirak etmək.
Bilməlidir: xidmət edilən maşın-avtomatların quruluşunu və konstruktiv xüsusiyyətlərini; avtomatın ayrı-ayrı birləşmələrinin qarşılıqlı əlaqələnmə prinsipi və idarə pultunun avtomat cihazların göstəricilərinə əsasən maşının iş rejiminin tənzimlənməsi, yuyucu məhlulların kimyəvi xüsusiyyətlərini; müxtəlif növ yuyucu maşınların və avadanlığın sazlanması qaydalarını.
169. Yük nəqledici İşin xüsusiyyəti. 2-ci dərəcə Arabacıqlarda və digər nəqliyyat vasitələrində, həmçinin trosların köməyi ilə müxtəlif istehsalat yüklərinin: xammal, yarımfabrikat, detal, məmulat, alət, cihaz və s. daşınması. Yüklərin anbara aparılması və təhvil-qəbul sənədlərinin tərtilə edilməsi. Kimyəvi maddələrin və boyaqların tərəziyə gətirilməsi. Digər sex və sahələrdə əməliyyatlararası emaldan keçən yarımfabrikat, detal, məmulatların verilməsi və qəbulu. Nəql ediləcək yüklərin yerləşdirilməsi və çeşidlənməsi.
Bilməlidir: daşınmalı və aparılmalı olan yüklərin adlarını: xidmət edilən sahələrin istehsalat tapşırığını və iş yerlərinin yüklənməsi qrafikini; material, detal, birləşmə və s. emalının texnoloji ardıcıllığını; yüklərin yüklənməsi və nəql edilməsi qaydalarını; yüklərin qablaşdırılması üsullarını; daşınan yüklərin bərkidilməsi üsullarını; taraların quruluşunu; təhvil-qəbul sənədlərinin tərtilə etmə qaydasını.
