FəLSƏFƏ fənni üzrə proqram tibb və tibb təmayüllü ixtisaslı mütəxəssislər üçün

Mənafelər fəaliyyətə sövqedici güclü motivlərdir. Mənafelərin təsnifatı, şəxsi mənafelər, qrup mənafeləri və ictimai mənafelər. Xalq mənəvi mədəniyyətin, elmin və incəsənətin yaradıcısıdır. Xalq və kütlə. Kütlə psixologiyası, onun kortəbiiliyi. Tarixdə görkəmli şəxsiyyətlərin rolu. Xalq və görkəmli şəxsiyyətlər. Tarixi şəxsiyyətin əsas göstəricisi onun tarixin irəli sürdüyü başlıca vəzifələri dəqiq anlamasında və onu həyata keçirməyə xalqı səfərbər etməsindədir. Şəxsiyyətin hərəkət və fəaliyyətinin sosial-tarixi şərtlənməsi. Siyasi rəhbərin fəaliyyətinin əsas göstəriciləri. Görkəmli elm və mədəniyyət xadimlərinin tarixi prosesdə rolu. Xarizmatik tarixi şəxsiyyət problemi. Heydər Əliyev xarizmatik tarixi şəxsiyyət, müstəqil yeni Azərbaycanın banisidir

İnsanın fəlsəfi anlamı. Antropologiya. Fəlsəfə və insanı öyrənən digər elmlər. Təbabət antropologiyasının fəlsəfi əsasları. İnsan mahiyyətinin çoxölçülü xarakteri. İnsanın mənşəyini şərtləndirən əsas amillər. İnsanın mənşəyində əməyin, nitqin, dilin və şüurun rolu. İnsanın mənşəyi haqqında Teyyar de Şardenin təlimi. İnsanın mənşəyinə dair Darvinin təkamül təlimi. Əmək tələbatdan yaranır, genetik irsiyyətdən sosial varisliyə keçidi təmin edir. Sosial varislik ictimai münasibətlər sistemində baş verir. İnsan ictimai münasibətlərin obyekti və subyektidir. İnsanın mövcudluğu anlayışı. İnsan biopsixososial fenomendir. Fərd, fərdiyyət, şəxsiyyət və insan anlayışları. İnsanın mövcudluğuna dair ekzistensialist baxış. Fərd ilə cəmiyyət arasında əlaqə. İnsanda bioloji və sosial tərəflərin münasibəti. İnsanı biolojiləşdirən baxışların əsassızlığı - panbiologizm. S.Uilsonun sosiobiologiya təlimi. İnsanın vulqar sosioloji izahının tənqidi -pansosiologizm
Antropologiyada rasionalizm. İnsanın varlığı və davranışı onun şüurlu həyatının ifadəsidir. Antropologiyada şüurluluq ilə qeyri-şüurluluğun nisbəti (Z.Freyd, K.Yunq, P.Adler, E.From)
İnsan ilə cəmiyyətin qarşılıqlı münasibətləri. İnsan və bəşəriyyət. İnsan və Kainat.
İnsan həyatının mənası anlayışı. Biologiyada “həyat” problemi. İnsan həyatının qiymətləndirilməsində pessimizm (A.Şopenhauer, N.Qartman). Həyatın mənasının dini izahı.