Fənn: Çıxan protezlərin hazırlanma texnikası
Şöbə: “Ortopedik stomatologiya”
2 nömrəli Bakı Baza Tibb Kolleci
34
MÖVZU 19.
Herbstə görə dişsiz çənələrə protez hazırlanması xüsusiyyətləri.
Diş texniki laboratoriyasında protez hazırlanmasının xüsusiyyətləri protez bazisinin sərhədlərinin
dəqiq saxlanmasından ibarətdir. Bunun üçün Herbst tərəfindən təklif olunmuş funksional nümunə
üsuludur. Anatomik ölçü alınır, gips model tökülür və sərhədlərə uyğun olaraq plastmasdan fərdi qaşıq
hazırlanır.
Herbestin funksional nümunələrinin köməyilə həkim dişəti dartıları və yüyənin sərbəst
hərəkətinə mane olan yerlərdə fərdi qaşığın kənarlarını düzəldir. Sonra bazisi termoplastik kütlə aşağı
çənə qaşığında formalaşdırılır. Diqqət ön dişlər nahiyəsində dil səthinə və premolyarlara verilir.
Üst çənə qaşığına sərt damağın yumşaq damaq keçən nahiyəsində termoplastik kütlə qoyulur.
Funksional nümunələrin köməyilə həkim fərdi qaşığın fiksasiyasını təmin edir.
Qaşığın kənarlarının və səthlərinin formalaşdırılmasından sonra termoplastik kütlə ilə ölçü alınır
və işçi model tökülür. Modellərin tökülməsi zamanı ölçünün kənarları 4 mm gipsə oturdulur, ölçünün
ətrafında 5-6 mm enində gipsdən qoruyucu zolaq saxlanır. Bunu (mumun əvəzinə) ölçü kənarlarının
dəqiq həcminin saxlanması üçün edirlər. Gips quruduqdan sonra model əvvəlcə soyuq, sonra qaynar
suya salınır, qaşıq ayrılır və ölçü kütləsi çıxarılır. Model üzərində ölçünün kənarından qalmış dəqiq
izlər qalır, son modelləşdirmədə bu izlər - dərinliklər tamamilə doldurulmalıdır. Qalan iş adi protez
hazırlanmasında olduğu kimidir. Hazır protezin işlənməsi zamanı plastmasın artlqları götürülür, lakin
protez kənarlarının həcmi dəyişdirilmir.
Bu metodika ilə protez hazırlanması onun yaxşı fiksasiyasına şərait yaradır.
| 
