Fənn: Çıxan protezlərin hazırlanma texnikası
Şöbə: “Ortopedik stomatologiya”
2 nömrəli Bakı Baza Tibb Kolleci
35
MÖVZU 20.
Sümük çıxıntıları - torus və ekzostoz. Onların təcridedilmə texnikası.
Çox inkişaf etmiş damaq yastığı-torus və aşağı çənədə premolyarlar nahiyəsində dil səthindəki
sümük çıxıntıları protezin balansına səbəb olur, ağrı hissiyatı və nəticədə yataq yaraları əmələ gətirir.
Torus və ekzostozlar bu kimi halların əmələ gəlməməsi üçün izolə edilməlidir.
Həkim konturları kimyəvi karandaşla qeyd edir və izoləedici qatın qalınlığını qeyd edir. Gips
modeldə izolyasiya üçün qalay, qurğuşun folqadan istifadə olunur. Folqanın qalınlığı 0,2-0,4 mm və
daha çox ola bilər. Metal qayçısı ilə folqadan sümük çıxıntının forma və ölçüsünə uyğun lövhəcik
kəsilir və modelə universal yapışqanla bərkidilir. Protezin polimerləşdirilməsindən sonra folqa
bazisinin daxili səthində qalır. Protez cilalandıqdan sonra folqa çıxarılır. Əmələ gələn çuxurun
kənarları hamarlanır. Bu yolla alınmış torus və ekzostoz yatağı protezi ətraf toxumalara yerləşdirməyə
imkan yaradır. Balanslaşmanın və onun nəticəsində protezin sınmasının qarşısını alır, ağrı
hissiyyatının və yumşaq toxumaların qıcıqlanmasının yaranmasna imkan vermir.
| 
