Fənn: Çıxan protezlərin hazırlanma texnikası Şöbə: “Ortopedik stomatologiya” 2 nömrəli Bakı Baza Tibb Kolleci

Fənn: Çıxan protezlərin hazırlanma texnikası 

 

Şöbə: “Ortopedik stomatologiya” 

2 nömrəli Bakı Baza Tibb Kolleci 

 42 

 

MÖVZU  25. 

Çənədə bir  diş qalması zamanı  qıfıllı  çıxan protezin  hazırlanması. 

 

Stomatologiyanın  aktual  məsələlərindən  biri  yuxarı  və  aşağı  çənələrdə  bir  diş  qaldıqda 

protezləmədir. Praktik stomatologiyada çənədə bir diş qalması zamanı klammerli hissəvi çıxan protez 

hazırlanır.  Lakin  bu  kimi  üsullar  az  effektiv  olduğu  üçün  digər  metodlara  üstünlük  verilməyə 

başlanmışdır. 

Hissəvi  çıxan  protezin  qıfılla  fiksasiyasını  yaxşılaşdırmaq  üçün  məlum  olan  metodda  protezin 

mexaniki retensiyası hesabına bazisin sınma riski azalır və estetik görkəm yaxşılaşır. 

Diş metal-keramik və ya metal-plastmas qapaq  altına yonulur, silikon ölçü götürülür və super 

gipsdən  model  tökülür.  Sonra  mumdan  tac  və  onun  aproksimal  səthinin  patrisaları  modelləşdirilir. 

Metaldan  patrisa  ilə  birlikdə  qapaq  tökülür,  ağız  boşluğuna  daxil  edilir.  Qapağa  keramik  və  ya 

plastmas örtük çəkilir və hazır qapaq ağız boşluğuna daxil edilir. Qapaqla birlikdə çənədən silikon ölçü 

alınır və super gipsdən model tökülür. Bu model odadavamlı modellə əvəz olunur. Sonra odadavamlı 

model  üzərinə  gələcək  karkasın şəkli çəkilir,  mumdan  karkas  modelləşdirilir.  Karkas  armatur  tordan, 

matrisadan, oral və aproksimal tərəflərdən qapağa söykənən elementdən ibarətdir. Sonda metal karkas 

tökülür. 

Karkas  qapaqla  birlikdə  ağız  boşluğuna  daxil  edilir.  Mərkəzi  okklüziyanın  təyini  üçün  dişləm 

yastıqlı  mum  bazis  hazırlanır.  Mərkəzi  okklüziya  təyin  olunur  və  mum  bazis  modelləşdirilir. 

Modelləşdirmə  zamanı  karkas  bazisə  yerləşdirilir.  Sonra  süni  dişlər  qoyulur  və  konstruksiya  ağız 

boşluğunda yoxlanır. Mum plastmasla əvəz olunur. Sonra patrisalı qapağın və çıxan protez eyni anda 

çənəyə oturdulur. Patrisanın matrisada yaxşı retensiya üçün plastmas borucuqdan istifadə olunur.  

Bu  üsulla  protezləmədə  çeynəmə  təzyiqi  protez  yatağı  selikli  qışasına  ötürülür.  Buna  görə  də 

qapaqda dayaq  pilləkəni yaratmaq lazım  deyil. Qapaq  və patrisalı diş protezin mexaniki fiksasiyasını 

yaxşılaşdırır, karkas isə bazisin sınmasının qarşısını alır. 

Qıfıllı çıxan protez hazırlanmış xəstələr protezə digərlərindən 2 dəfə tez adaptasiya olunurlar. 

 

 

---