Fənn: Çıxan protezlərin hazırlanma texnikası
Şöbə: “Ortopedik stomatologiya”
2 nömrəli Bakı Baza Tibb Kolleci
36
MÖVZU 21.
Metal bazisli protezlərin və tam tökmə bazisin hazırlanması.
Protezin tez-tez sınmasında temperatur hissiyatı ilə əlaqədar olan diskomfort hallarında,
diksiyakın pozulmasında, plastmasa qarşı həssaslıqda, bruksizmdə, alçaq klinik qapaqlarda və hündür
dil yüyənində metal bazisli protez hazırlanır. Belə protezin bazis ştamplama və ya tökmə yolu ilə
hazırlanır.
Metal protezin tətbiqinə 1757-ci ildə bazisin qızıl ərintisindən ştamplama yolu ilə hazırlanması
ilə başlanmışdır.
Metal bazis hazırlanmasının öz xüsusiyyətləri var: protez konstruksiyasının planlaşdırılması
vacibdir.
Metal bazisli protez hazırlanmasına göstərişlər ikili xarakter daşıyır: ümumi tibbi (bioloji) və
xüsusi.
Ümumi tibbi göstərişlər allergiya, bruksizm, ixtisasın xüsusiyyətləri, plastmas protezlərə qarşı
həssaslıq.
Xüsusi göstərişlər: plastmas bazisin tez-tez sınması, diş cərgələrinin hüdudlanan qüsurları,
çənələrin daralması, arasıkəsilməz klammerə mənfi münasibət, yuxarı çənədə hətta bir distal dayağın
olmaması, dil yüyəninin hündür yerləşməsi, dişlərin alçaq klinik tacları.
A.S.Şerbakov dərin dişləmli, üz-çənə nahiyəsinin rezeksiyaları olan xəstələrdə metal bazisli
çıxan protez edir.
Ştamplanmış metal bazisin hazırlanması çətin proses olub, protez yatağı toxumalarının dəqiq
əksini vermir. Bir neçə dəfə termiki işlənmə metalın strukturunu dəyişir. Buna görə də hazırda
yeniləşmiş metodların köməyilə dəqiq tökmədə metal bazis keramik modellərdə tökülməklə və ya işçi
model üzərindən mum kompozisiyanın çıxarılması ilə hazırlanır.
Tökmə bazisin hazırlanması üçün sərt gipsdən olan modelin üzərində paralelometrdə metal
bazisin təbii dişlərə uyğun sərhədləri çəkilir.
Dostları ilə paylaş: | 
