Fənn: Çıxan protezlərin hazırlanma texnikası Şöbə: “Ortopedik stomatologiya” 2 nömrəli Bakı Baza Tibb Kolleci

Fənn: Çıxan protezlərin hazırlanma texnikası 

 

Şöbə: “Ortopedik stomatologiya” 

2 nömrəli Bakı Baza Tibb Kolleci 

 58 

 

MÖVZU  9.

  

Herberə  görə atrofiyanın  təyini.  Modellərdə  alveolyar  çıxıntıların  atrofiya 

xəttinin  çəkilməsi. Modellərin  artikulyatora  gipslənməsi. 

 

Dişsiz çənələrin atrofiya dərəcəsindən asılı olaraq müxtəlif təsnifatlar mövcuddur. İ.M.Oksman 

yuxarı və aşağı çənələr üçün vahid təsnifat təklif etmişdir. 

I  tip  -  hündür  alveol  cıxıntısı,  iti  alveol  qabarları,  dərin  damaq  tağı  və  keçid  büküşləri  dərində 

yerləşmiş yuxarı çənə. Hündür alveol çıxıntısı və alçaqda yerləşən keçid büküşü olan aşağı çənə. 

II tip -  alveol çıxıntıları və əng qabarları orta dərəcədə atrofiyaya uğramış, alçaq damaq tağı  və 

keçid büküşləri olan yuxarı çənə. Aşağı çənədə alveol çıxıntısının orta dərəcədə atrofiyası. 

III tip - kəskin və bərabər atrofiyaya uğramış alveol çıxıntısı və  əng qabarları, yastı damaq tağı 

olan dişsiz yuxarı çənə. Aşağı çənədə alveol çıxıntısı tam atrofiyaya uğramış. 

IV  tip - qeyri -bərabər atrofiyaya uğramış dişsiz yuxarı və aşağı çənə. 

Protezin yuksək keyfiyyətli olması üçün alveol darağının forma və relyefinin böyuk əhəmiyyəti 

vardır.  Dişsiz  çənələrin  alveol  çıxıntısının  vestibulyar  səthinin  formasının  praktik  əhəmiyyəti 

böyükdür.  Vestibulyar səthin 3 forması olur: şaquli, maili, örtük formalı. Protezdə qapayıcı klapanın 

yaranması  və çeynəmə zamanı pozulmaması üçün şaquli  vestibulyar səthi olan alveol çıxıntısı daha 

əlverişlidir.  Maili  vestibulyar  səth  az  əlverişlidir,  çünki  effektli  klapan  yaratmaq  üçün  protezin 

sərhədləri  genişləndirilməlidir.  Vestibulyar  səthin  örtük  formalı  olan  dişsiz  çənə  protezləmə  üçün 

əlverişsiz sayılır. Belə halda protezin fiksasiyası mexaniki retensiya hesabına təmin olunur.