“Fizika” – tabiat hodisalarining umumiy qonuniyatlarini, materiyaning tuzilishi va xossalarini hamda uning harakatini o’rganuvchi fandir

Bosim – bu fizik kattalik bo’lib, sirtga tik (perpendikulyar) ta’sir etuvchi kuchning shu kuch ta’sir etayotgan sirt yuzasiga nisbatiga teng.
Boshqacha aytganda bosim deb, sirtning birlik yuzasiga tik ravishda ta’sir etuvchi kuchga miqdor jihatdan teng bo’lgan fizik kattalikka aytiladi.
Suyuqlik va gazlar bosimini o’lchaydigan asbob – manometr deb ataladi.
Atmosfera bosimi o’lchaydigan asbob – barometr deb ataladi. U grekcha so’zdan olingan bo’lib, “baro” – bosim, “metreo” – o’lchash, ya’ni bosimni o’lchash demakdir.
Atmosfera bosimini o’lchash uchun ishlatiladigan suyuqliksiz metall barometrlarga aneroid barometrlar deb ataladi.
Kosmik kemada bosimni o’lchaydigan asbob – aneroid barometr deb ataladi.
Aneroid barometrning afzalligi shundan iboratki, undan vaznsizlik holatida ham foydalanish mumkin.
Kemaning suvga botadigan chuqurligi botish darajasi deb ataladi.
Kemaning yo’l qo’yiladigan eng ko’p botish darajasi, kema korpusidagi qizil chiziq bilan belgilanib, bu chiziq vater chizig’i deb ataladi.
Kema vater chizig’igacha botganda, siqib chiqarilgan suvning og’irligi kemaning suv sig’imi deb ataladi.