2-savolning bayoni: Terrorizmga qarshi kurashning mafkuraviy hamda ma’naviy-tarbiyaviy asoslari. Barchamizga ma’lumki, Islomda ilm-ma’rifatli boelishga, Yaratgan tomonidan insonlarga berilgan ne’matlar haqida bilim orqali tadabbur qilishga targ‘ib qilingan.
Hasan Basriy (r.a.) rivoyat qilgan hadisda shunday deyiladi: «Insonlar ilm o‘rganib amalni tark qilganlarida, tillari ila sevishib, qalblari ila adovatda bo‘lsalar va silai rahmni uzsalar, Alloh ularni la’natlab, quloqlarini kar va ko‘zlarini ko‘r qilib qo‘yadi».
Darhaqiqat, islom olamining e’tiborli ulamolari tomonidan mo‘tabar manbalar asosida berilayotgan fatvolar yoki raddiyalarni tan olmayotgan turli firqa va oqim tarafdorlarini ham yuqoridagi oyat va hadislarda keltirilgan kimsalarga qiyoslash mumkin. Shunday ekan, fatvo musulmonlar hayotida muhim ahamiyat kasb etadi.
Fatvo berishga, faqatgina, ilmda muayyan darajaga yetishgan hamda ulamolar tomonidan e’tirof etilgan kishigina haqlidir. Aks holda, bu kabi holatlar qanchadan qancha begunoh insonlarning qoni to‘kilishiga hamda asl ta’limoti tinchlik bo’lgan islom dinini «urush» dini sifatida ko‘rsatishga, o‘zaro adovat va nafrat urug'ini sochishga, musulmonlar o‘rtasida turli xil fitnalarning kelib chiqishiga sabab bo’ladi. Fatvo oladigan odam ham, albatta, o‘z navbatida ishonchli, hamma e’tirof etgan ulamoga murojaat qilishi bilan o‘zini ham, atrofdagilarni ham turli musibatlardan asragan bo‘ladi.
Dostları ilə paylaş: |