Qur’oni Karimga ko‘ra, terroristlarning omma xalqniportlatishi, insonlarni o‘zini-o‘zi portlatishga da’vat etishi va boshqa har qanday tinch aholi hayotiga qaratilgan tajovuzlarni amalga oshirishi ulkan jinoyat hisoblanadi. Albatta, bu ishlarni amalga oshiruvchilarga jahannamda og'ir azob-uqubatlar borligiga hech qanday shak-shubha yo‘q. Qur’oni Karimning «Buruj» surasida odamlarni yondirish taqiqlangani keltirib o‘tiladi:
«Albatta, mo‘min va mo‘minalarni fitnaga solib, so‘ngra tavba qilmagan kimsalarga jahannam azobi va ular uchun o‘t azobi bor- dir» (Buruj, 10).
Oyatdagi «fatanu» so‘zi «yondirish» ma’nosida ham tafsir qilina- di. Bu oyat odamlarni portlatuvchilar do‘zax egalari ekaniga isho- ra qiladi. Ibn Abbos va Muqotil aytdilar: «fatanu al-muminina» so‘zlari quyidagi ma’noni anglatadi: «Ular mo‘minlarni olov bilan yondiradilar». Ibn Humayd va Ibn Munzirdan rivoyat qilinishicha, Qatoda «Albatta, mo‘min va mo‘minalarni fitnaga solib», oyatini «olov bilan yondirib o‘ldirish» degan ma’noni anglatadi, deya tafsir qilgan. Imom Qurtubiy va Abu Hafs Hanbaliy ham shunday tafsir qilganlar.
