Guruhlarda o’qitish

Hamkorlikda o’qitish texnologiyasida o’quvchilarni hamkorlikda o’qitishni tashkil etishning bir necha metodlari mavjud:

Hamkorlikda o’qitish texnologiyasida o’quvchilarni hamkorlikda o’qitishni tashkil etishning bir necha metodlari mavjud:
1. Komandada o’qitish(R.Slavin).
2. Kichik guruhlarda hamkorlikda o’qitish(R.Slavin, 1986).
3.Hamkorlikda o’qitishning “zigzag yoki arra” metodi(E.Aronson, 1978).
4.Hamkorlikda o’qitishning “Birgalikda o’qiymiz” metodi(Minnesot universiteti professorlari –R.Jonson, D.Jonson,1987).
5.Kichik guruhlarda ijodiy izlanishni tashkil etish metodi(Isroildagi Tel-Aviv universiteti professori –SH.SHaran(1988) tomonidan ishlab chiqilgan.)

Komandada o’qitish(R.Slavin)

Komandada o’qitish(R.Slavin)
Komandada o’qitishda o’quvchilar teng sonli ikki komandaga ajratiladi. Har ikkala komanda bir xil topshiriqni bajaradi. Komanda a’zolari o’quv topshiriqlarini hamkorlikda bajarib, har bir o’quvchi mavzuda ko’zda tutilgan bilim, ko’nikma va malakalarni o’zlashtirishiga e’tibor qaratadi.
R.Slavinning ta’kidlashicha, o’quvchilarga topshiriqlarni hamkorlikda bajarish uchun ko’rsatma berilishi yetarli emas. O’quvchilar o’rtasida tom ma’nodagi hamkorlik, har bir o’quvchining qo’lga kiritgan muvaffaqiyatidan quvonish, bir-biriga sidqidildan yordam berish hissi, qulay ijtimoiy-psixologik muhit vujudga kelishi zarur. Mazkur texnologiyada o’quvchilarning bilimlarni o’zlashtirish sifatini aniqlashda ularni bir biri bilan emas, balki har bir o’quvchining kundalik natijasi avval qo’lga kiritilgan natija bilan taqqoslanadi. SHundagina o’quvchilar o’zining dars davomida erishgan natijasi komandaga foyda keltirishini anglagan holda ma’suliyatni his qilib, ko’proq izlanishga, bilim, ko’nikma va malakalarni puxta o’zlashtirishga intiladi.

O’qituvchi kimyo darslarida komandada o’qitish metodidan foydalanish uchun avval mavzuni aniqlashi, so’ngra komandalar uchun topshiriqlar tuzishi lozim. O’qituvchi komandalar uchun mavzu bo’yicha o’quvchilarning o’zlashtirgan bilimlarini aniqlashda qo’llaydigan test savollarini tuzib bo’lgandan so’ng, mazkur darsning borishini loyihalashtirishi kerak.

O’qituvchi kimyo darslarida komandada o’qitish metodidan foydalanish uchun avval mavzuni aniqlashi, so’ngra komandalar uchun topshiriqlar tuzishi lozim. O’qituvchi komandalar uchun mavzu bo’yicha o’quvchilarning o’zlashtirgan bilimlarini aniqlashda qo’llaydigan test savollarini tuzib bo’lgandan so’ng, mazkur darsning borishini loyihalashtirishi kerak.
Darsning borishini quyidagicha loyihalash tavsiya etiladi:
I. Tashkiliy qism.
II. O’tgan mavzu yuzasidan o’quvchilar bilimini nazorat qilish va baholash.
III. O’quvchilarni dars mavzusi, maqsadi, borishi bilan tanishtirish.
IY. Yangi mavzuni o’rganish:
a) o’quvchilarni komandaga ajratib bir necha kichik guruhlarni tashkil etish hamda har bir komanda a’zolari tomonidan belgilangan o’quv topshiriqlarini mustaqil ravishda sifatli bajarishiga erishish;
b) o’quv materialini yaxlit holda qayta ishlab chiqilishini amalga oshirish.
Y. Yangi mavzu yuzasidan komandalar o’rtasida savol-javob, o’quv bahsi uyushtirish.
YI. O’quvchilar bilimini test savollari yordamida nazorat qilish va baholash.
YII. Yangi mavzuni qayta ishlash va yakunlash.
YIII. Uyga vazifa berish.