Hazırlayan: Hüseyn Xəlilov UŞaq və yeniyetməLƏRİN İNKİŞafinin sosiAL‐PSİxoloji MƏSƏLƏLƏRİ

Test 1.4. İsrarlılığın qiymətləndirilməsi
Metodika Y. P. İlyin və Y. K. Feşenko tərəfindən hazırlanıb.

Test

1. 
   Mən gələcək üçün öz məqsədimi təyin etmişəm və artıq onun həyata keçməsi üçün iş görürəm.
   
2. 
   Mən qarşıma qoyduğum məqsədə doğru onun nə qədər uzaq olmasından asılı olmayaraq planlı şəkildə irəliləyirəm.
   
3. 
   Uzaq olan məqsədə nail olmaq yolunda qarşıma çıxan maneə məni həvəsdən salır və mənfi təsir göstərir.
   
4. 
   Hətta uğursuzluqla qarşılaşanda belə, mən bilirəm ki, məqsədimə nail olacağam.
   
5. 
   Qarşıma uzaq məqsədlər qoymamağa çalışıram, çünki düşünürəm ki, bugünlə yaşamaq daha asandır.
   
6. 
   Bir neçə dəfə özünü mükəmməlləşdirmə ilə məşğul olmuşam, amma heç bir nəticə əldə edə bilməmişəm.
   
7. 
   Uğursuzluqlar məni həvəsdən salır və mən qarşıma qoyduğum məqsədə nail olmaqdan imtina edirəm.
   
8. 
   Əgər qarşıma vacib bir məqsəd qoymuşamsa, mənim qarşımı almaq çox çətindir.
   
9. 
   Məğlubiyyətim məni iki dəfə daha çox qüvvə ilə fəaliyyət göstərməyə sövq edir.
   
10. 
    Mən bir neçə dəfə həftəmi planlaşdırmağa çalışmışam, amma onların heç birində zəif təşkilatçılığa görə, planlaşdırdıqlarıma riayət edə bilməmişəm.
    
11. 
    Çətinliklər yaranan zaman mən başladığımı davam etməkdə şübhələnməyə başlayıram.
    
12. 
    Əgər başladığım iş həftə və aylarla sürərsə, onu sona çatdırmağa çətinlik çəkirəm.
    
13. 
    Ailəm məni divanə (dəli) adlandırır.
    
14. 
    Qarşımdakı maneələrə baxmayaraq, məqsədimə çatmaq mənə böyük zövq verir.
    
15. 
    Tez‐tez başladığım işi, mənə maraqsız olduğu üçün yarımçıq atıram.
    
16. 
    Gözləməyi və səbir etməyi bacarıram, ona görə də uzaq məqsədlər mənə qorxulu deyil.
    
17. 
    Maneələr məni daha da həvəsləndirir və qərarlarımı daha da möhkəm edir.
    
18. 
    Uğura inamsızlıq yox, sadəcə tənbəllik məni məqsədimə nail olmaqdan imtina etdirir.
    

Cavabların qiymətləndirilməsi: 1, 2, 4, 8, 9, 13, 14, 16, 17‐də verilən hər “bəli” cavabına və 3, 5, 6, 7, 10, 11, 12, 15, 18‐də verilən hər “xeyr” cavabına görə 1 bal hesablanır.
Nə qədər çox bal toplanılarsa, insan bir o qədər israrlı və başladığı işi sona çatdırmağa meyillidir.