4.1.3.Hüceyrə divarı Bəzi canlılarda plazma membranının xaricində hüceyrə divarı deyilən möhkəm bir quruluş daha vardır. Bu quruluş bitkilərdə hüceyrə çəpəri, mantarlarda xitin çəpəri və bakteriyalarda peptidoqlikan çəpəri adlanır.
Bitkilərdə hüceyrə çəpəri: Bitki hüceyrəsinin xaricində olan və sellülozadan qurulmuş bir örtükdür. Hüceyrə divarında sellüloza, sellüloz mikrofibrilləri adlanan fibrillr bir quruluşdadırlar. Sellüloz mikrofibrilləri hemisellüloza, pektin və qlikoproteinlərdən ibarət bir matriks (ara maddə) içində batmış şəkildədir (şəkil 4.6). Pektinlər şaxəli polisaxaridlərdir. Hemisellülozlar isə ksiloza, qalaktoza və fruktoza karbohidratlarının şaxələnməsi nəticəsində yaranan və sellülozaya H rabitəsi ilə bağlanan bir polisaxariddir. Hüceyrə divarının əsas funksiyası hüceyrəni qorumaqdır.
