Huquqiy hujjatlar

Qonunning 2-bobi
“Seysmik xavfsizlikni ta’minlash sohasini davlat 
tomonidan tartibga solish” deb nomlanadi, unda: Vazirlar Mahkamasining, 
Favqulodda vaziyatlar vazirligining, Qurilish vazirligining, Fanlar akademiyasining, 
Mahalliy davlat hokimiyati organlarining seysmik xavfsizlikni ta’minlash 
sohasidagi vakolatlari belgilangan.
 Qounnning 3-bobi
“Seysmik xavfsizlikni ta’minlash sohasidagi faoliyatni 
tashkil etish” deb nomlanadi, unda quyidagi masalalar yoritilgan: seysmik xavfni 
baholash, zilzilalar yuz berishi ehtimolini aniqlash, binolar va inshootlarning 
zilzilabardoshligini tekshirish hamda monitoring qilish, seysmik xatarni baholash, 
seysmik xatarni kamaytirish, zilzila oqibatlarini bartaraf etish, kuchli zilzilalar 

---

6 
natijasida yetkazilgan zararni baholash, kuchli zilzila natijasida zarar ko‘rgan 
ob’yektlarni tiklashga doir tadbirlarni moliyalashtirish. 
Qonunning 17-moddasiga asosan kuchli zilzilalar oqibatlarini bartaraf etish 
doirasida hududlarda: 
aholini kuchli zilzila zonasidan xavfsiz hududlarga evakuatsiya qilish 
ta’minlanadi; 
qutqaruv va kechiktirib bo‘lmaydigan avariya-tiklash ishlari amalga 
oshiriladi; 
binolarning hamda muhandislik-transport infratuzilmasining shikastlanish 
darajasi tezkor va batafsil o‘rganiladi; 
kuchli zilzila tufayli yetkazilgan zarar aniqlanadi; 
kuchli zilzila oqibatida buzilishi, tiklanishi yoki qayta qurilishi lozim bo‘lgan 
binolar va inshootlar aniqlanadi; 
zilzila natijasida vayron bo‘lgan binolar va inshootlarni qayta qurish hamda 
tiklash amalga oshiriladi. 
Qounnning 4-bobi
“Jismoniy va yuridik shaxslarning seysmik xavfsizlikni 
ta’minlash sohasidagi huquq hamda majburiyatlari” deb nomlanadi, unda jismoniy 
va yuridik shaxslarning seysmik xavfsizlikni ta’minlash sohasidagi huquqlari
va majburiyatlari belgilangan.