Shanxay Hamkorlik Tashkilotining Afg’oniston masalasiga doir hujjatlar asosidagi ushbu tadqiqot ishimizning maqsadi zamonaviy xitoy tili hujjatlarida ko’p uchraydigan klishelar, klishe xususiyatiga ega qolipli konstruksiyalar yasalish xususiyatlarini o’rganishdan iborat. Quyidagi tadqiqot ishimizning umumiy maqsadlaridan biri xitoy tili hujjatlarida ko’p qo’llaniladigan klishelarni tahlil etish.Shu bilan birga xitoy tiliga fonetik va semantik usul bilan o’zlashgan klishelarni ko’rib chiqish.
Tadqiqotning ilmiy-amaliy ahamiyati.
Ushbu BMI materiallari kelajakda siyosiy sohaga oid lug’atlarda, xitoy tiliga oid turli xil qo’llanmalarda, siyosiy hujjatlar majmuasini ishlab chiqishda, ommaviy axborot vositalarida va boshqa sohalarda keng foydalanish mumkin.
Klishe fransuz tilidagi “cliché”, ”clicher”so’zidan olingan bo’lib, “bosib iz qoldirmoq” poligr. qog’ozga bosish uchun yog’och yoki toshga tushirilgan bo’rtma harf, surat, rasm, plan va shu kabilar degan ma’noni bildiradi. Lingvistika sohasida esa aynan qolipga solingan so’z birikmalari, ma’lum bir vaziyatda qo’llanuvchi umumiy modelga ega so’zlar va gaplardir. Xitoy tiliga klishe 陈词滥调 chéncí làndiào deb tarjima qilinadi. Hozirgi kunda klishelarni barcha sohalarda uchratish mumkin.
