İctimai Sektor üçün

təqdim olunan bütün maddələr əvvəlki dövrə münasibətdə müqayisəli məlumatlar açıqlanmalıdır. Cari dövrün maliyyə hesabatlarının anlaşıqlı olması üçün tələb olunursa, müqayisəli məlumatlar izahlı qeydlərə də daxil edilməlidir.
53A. Təşkilat ən azı keçmiş dövrə aid müqayisəli məlumatlarla maliyyə vəziyyəti haqqında bir hesabat, keçmiş dövrə aid müqayisəli məlumatlarla maliyyə fəaliyyətinin nəticələri haqqında bir hesabat keçmiş dövrə aid müqayisəli məlumatlarla pul vəsaitlərinin hərəkətləri haqqında bir hesabat və keçmiş dövrə aid müqayisəli məlumatlarla xalis aktivlərdə dəyişikliklər haqqında bir hesabat təqdim etməlidir.

54. 
    Bəzi hallarda əvvəlki dövrün maliyyə hesabatlarında əks olunan belə məlumatlar cari dövr üçün də öz əhəmiyyətini saxlayır. Məsələn, əvvəlki hesabat dövrünün sonunda nəticəsi hələ naməlum olan və cari dövrdə də nəticəsi hələ bilinməyən hüquqi mübahisələrin təfsilatları cari dövrdə də açıqlanmalıdır. Əvvəlki hesabat dövrünün sonunda mövcud olan qeyri- müəyyənlik və dövr ərzində onun aradan qaldırılması üçün görülmüş tədbirlər haqqında məlumatlar istifadəçilər üçün əhəmiyyətlidir.
    

55. 
    Maliyyə hesabatlarında maddələrin təqdimatı və ya təsnifatı dəyişdirilərsə, müqayisəli məlumatlar mümkün olduğu qədər yenidən təsnifləşdirilməlidir. Müqayisəli məlumatlar yenidən təsnifləşdirilən zaman təşkilat aşağıdakıları açıqlamalıdır:
    

1. 
   Yenidən təsnifləşdirmənin xarakterini;
   
2. 
   Yenidən təsnifləşdirilmiş hər bir maddənin və ya sinfin məbləğini; və
   
3.