İctimai Sektor üçün

Maliyyə hesabatları ən azı ildə bir dəfə təqdim olunmalıdırlar.Təşkilatın hesabat tarixi dəyişdikdə və maliyyə hesabatları bir ildən uzun və ya qısa dövr üçün təqdim edildikdə, o zaman, maliyyə hesabatlarının əhatə etdiyi dövr və əlavə olaraq aşağıdakılar açıqlanmalıdır:

1. 
   Daha uzun və ya qısa dövrün əhatə olunmasının səbəbi; və
   
2. 
   Maliyyə fəaliyyətinin nəticələri haqqında hesabat, xalis aktivlərdə/kapitalda dəyişikliklər barədə hesabat, pul vəsaitlərinin hərəkəti haqqında hesabat və qeydlər kimi müəyyən hesabatlarda olan məlumatların tamamilə müqayisəyə yararsız olması faktı.
   

67. 
    Müstəsna, məsələn, hesabat dövrünün büdcə dövrü ilə tam uyğunlaşdırılması məqsədilə, təşkilatdan hesabat tarixinin dəyişdirilməsi tələb edilə bilər və ya təşkilat bu barədə özü qərar verə bilər. Belə olan təqdirdə hesabatların istifadəçiləri (a) cari dövrdə göstərilən məbləğlərin müqayisə oluna bilməsindən xəbərdar edilməli və (b) hesabatlıq tarixində dəyişikliyin səbəbi açıqlanmalıdır.Daha bir misal olaraq, iqtisadi qurum daxilində hər hansı bir təşkilat üçün kassa metodundan hesablama metoduna keçid zamanı konsolidə edilmiş maliyyə hesabatlarının hazırlana bilməsi üçün hesabat tarixinin dəyişdirilməsini göstərmək olar.
    

68. 
    Adətən, maliyyə hesabatları ardıcıl şəkildə bir illik dövrüçün hazırlanır.Lakin, bəzi təşkilatlar 52 həftəlik dövr üçün hesabatın təqdim edilməsini məqsədə uyğun hesab erdirlər.Bu standart bu cür hesabatların bir illik dövr üçün hazırlanacaq hesabatlardan əhəmiyyətli dərəcədə fərqlənməyəcəyinə görə belə təcrübəni qadağan etmir.
    

Vaxtında təqdim edilmə

69. 
    Əgər hesabat tarixindən sonra müvafiq dövr ərzində maliyyə hesabatları istifadəçilərə təqdim olunmazsa, o zaman onların faydası azalacaqdır.Təşkilat hesabat tarixindən altı ay keçmədən öz maliyyə hesabatlarını təqdim etmək iqtidarında olmalıdır.Təşkilatın əməliyyatlarının mürəkkəb olması kimi obyektiv səbəblər vaxtında hesabatların hazırlanmaması üçün yetərli əsas deyildir.Hesabatların təqdim olunmasının son tarixi barədə daha spesifik tələblər müvafiq qanunvericiliklərlə müəyyən edilir.
    

Maliyyə Vəziyyəti Haqqında hesabat