Ikkinchi guruhning s-elemenllari

Magniy xlorid MgCl₂ ko’mir bilan MgO aralashmasiga xlorni ta’sir ettirib olinadi, undan magnezial sement tayyorlanadi, uni qipiq bilan aralashtirib, izolyatsiya materiali bo’lgan ksilolit olinadi. Magniy sulfat MgSO₄ tabiatda har xil minerallar shaklida uchraydi, eritmada esa kristallogidrat monogidrat MgSO₄  H₂O (kizerit minerali) va geptagidrat (MgSO₄7H₂O) (taxir tuz minerali) holida kristallanadi. Suvda eriydi, tibbiyotda surgi dori sifatida, qishloq xo’jaligida o’g’it sifatida ishlatiladi. Magniy karbonat MgCO₃ tabiatda magnezit va dolomit (MgCO₃CaCO₃) holida uchraydi. MgCO₃ suvda oz eriydi, uning suvdagi eritmasiga ishqoriy metall karbonatlari ta’sir ettirilsa, Mg₂(OH)₂CO₃ hosil bo’ladi, uning aniq tarkibi 3MgCO₃Mg(OH)₂3H₂O bo’lib, oq magneziya (tabiatda kam uchraydi) deb ataladi. Oq magneziya tibbiyotda, qog’oz va kauchuk sanoatida ishlatiladi. Magniy nitrat Mg(NO₃)₂∙6H₂O juda gigroskopik va suvda yaxshi eriydigan tuz. Suvsiz magniy perxlorat Mg(CIO₄)₂ angidron nomi bilan gazlarni quritishda ishlatiladi.
Magniy karbid. MgC₂ olish uchun kalsiy karbidga magniy xlorid ta'sir ettirish kerak, MgC₂ suv ta'sir ettirilganida asetilen ajralib chiqadi.
Magniy nitrid. Mg₃H₂ - magniyni azot atmosferasida qizdirish natijasida olinadi. Magniy havoda yonganida MgO bilan birga ozroq Mg₃H₂ ham hosil bo'ladi.
Kalsiy gruppachasi elementlari
Ikkinchi gruppaning s-elementlaridan kalsiy, stronsiy, bariy va radiy ishqoriy yer metallar gruppasiga kiradi.
Yer qobig’ida kalsiyning 6 ta, stronsiyning 4 ta, bariyning 7 ta stabil izotopi bor. Bulardan eng ko’p tarqalganlari ⁴⁰Ca (96,97%), ⁸⁸Sr (82,56%), ¹³⁸Ba (71,66%) dir. Tabiiy radiy 8 ta radioaktiv izotopdan iborat.