İkram agasiyev şİrxan səLİmov azərbaycan tariXİ baki-2017 Elmi redaktor

Kütləvi informasiya vasitələri.Müstəqillik illərində ölkədə kütləvi infor­masiya vasitələri şəbəkəsi xeyli genişləndi. 1990-cı illərin ortalarında Mətbuat və İnformasiya Nazirliyində 600-ə qədər infor­masiya vasitəsi qeydə alınmışdı. 2001-ci ilin əvvəllərində respublikada 8 dildə 300-dən çox qəzet, 72 jurnal nəşr olunurdu.

Ölkədə 20 informasiya agentliyi fəaliyyət göstərirdi. 1990-cı illərin orta­larından Azərbaycanda Beynəlxalq İnternet informasiya şəbəkəsindən istifadə olunmağa başlanmışdı. Paytaxtda, digər şəhər və qəsəbələrdə çoxlu "İnternet klub" təşkil edilmişdi.

Azərbaycan televiziyası, radiosu texniki və yaradıcılıq imkanı baxımından xeyli inkişaf etmişdi. Dövlət radiosunun verilişləri 13 dildə, o cümlədən 1992-ci ildən ingilis dilində dünyaya yayılırdı. 1996-cı ildə Bakıda əsası hələ 1982-ci ildə qoyulmuş, hündür­lüyü 310 m olan yeni teleqüllə istifadəyə verildi. 2002-ci ildə respublikada 30 radio və televiziya fəaliyyət göstərirdi.

2002-ci il oktyabrın 5-də Azərbaycan Prezidentinin Fərmanı ilə "Milli Tele­viziya və Radio Şurası" yaradıldı. Azərbaycan jurnalistikası inkişaf edirdi. Jur­nalist­lərin yeni nəsli formalaşmaqda idi. Çingiz Mustafayev, Salatın Əsgərova, Alı Mustafayev kimi istedadlı və cəsarətli jurnalistlər baş verən hadisələr haqqında insanlara doğru məlumat çatdırmaq üçün böyük fədakarlıq göstərmiş, canlarından keçmişlər.

Respublikanın kütləvi informasiya vasitələri Azərbaycanın dövlət müstəqil­liyinin qorunması, dünyəvi, demokratik quruculuq, milli və bəşəri mənəvi dəyər­ləri, ölkədə siyasi sabitlik və vətəndaş həmrəyliyi yaranmasını, ölkə rəhbər­liyinin uğurlu daxili və xarici siyasətini geniş təbliğ edirdi.

İdman. İdmanın inkişafına Azərbaycan dövləti xüsusi diqqət yetirir. Baki, Gəncə, Şəki, Naxçıvan,Quba,Lənkəran, Qax və digər şəhərlərdə ümumilikdə 21 Olimpiya idman kompleksləri tikilib istifa­dəyə veril­mişdir. 1997-ci ildə İlham Əliyev Milli Olimpiya Komitəsinin (MOK) sədri secildi.

Hazırda bölgələrdə 41 Olimpiya mərkəzi vardır. Ümumiyyətlə isə son illərdə 50-dən çox böyük Olimpiya Mərkəzi yaradılıb. Lənkəran Olimpiya İdman Kompleksi yenidən qurulmuş, Bakıda Olimpiya Hərəkatı və İdman Muzeyi, 13 idman zalı və qurğusu tikilmişdir.

Azərbaycan idmançıları uğur­larını artıraraq 1996-cı ildə Atlantada bir medal, ondan sonra 2000-ci ildə Sidneydə üç, 2004-cü ildə Afinada beş, 2008-ci ildə Pekində yeddi, 2012-ci ildə Londonda on və nəhayət 2016-cı ildə Rio-de-Janeyroda 18 medal qazandılar.

12 iyun - 28 iyun 2015-ci il tarixində Azərbaycanın paytaxtı Bakı­da və Min­gə­çevirdə Birinci Avropa Oyunları keçirildi. Oyunlar Avropanın 50 Milli Olim­piya Komitə­sini birləşdirən Avropa Olimpiya Komitələri tərəfindən keçiril­mişdir. Oyunlarda 50 ölkədən 20 idman növü üzrə 6000-dən çox idmançı yarış­mışdır. Oyunların proqramına 28 yay olimpiya idman növündən 16-sı, həmçinin 2 qeyri-olimpiya idman növü daxil edilmişdi. Azərbaycan idmançıları Birinci Avropa Oyun­larında 56 medal qazanaraq Avropada ikinci yeri tutdular.