Eritrotsitlar (sferotsitlar), gumbazsimon (stamotsitlar), tikanaksimon o‘siqli (exinotsitlar) eritrotsitlar bo‘lib, ba'zi bir patologik holatlarda urchuqsimon, noksimon eritrotsitlar uchrab bunga paykilotsitoz deyiladi. Eritrotsitlarning o‘rtacha diametri sog‘lom odamlarda 7,2 mkm (7,1-8,0mkm) bo‘lib bunday eritrotsitlarga normotsitlar, 6 mkm dan kichik bo‘lsa - mikrotsitlar, 9 mkm dan yirik bo‘lsa - makrotsitlar deyiladi. Shunday qilib ularning normadan katta yoki kichik bo‘lishiga anizotsitoz deyiladi. Periferik qonda yetuk eritrotsitlar bilan bir qatorda 1% dan 6% gacha yetuk bo‘lmagan eritrotsiglar uchrab bunga gemoretikulotsitlar deyiladi. Ularning elektron mikroskop yordamida ko‘rilganda sitoplazmasida endoplazmatik to‘r, ribosomalar va mitoxondriya qoldiqlarini uchratamiz. Ba'zi holatlarda turli omillar ta'sirida eritrotsitlar qobig‘i erib ketib, bunga gemoliz deyiladn.
