Laboratoriya mashg’ulot: №4 Mavzu:Informatika fanlaridan o'quv mashg'ulotlariga mos o'qitish texnologiyasini loyihalashtirish. Ishning maqsadi: Informatika fanlaridan o'quv mashg'ulotlariga mos o'qitish texnologiyasini loyihalashtirish bilan tanishtirish va ular haqida talabalarning bilim, malaka va ko’nikmalarini yanada rivojlantirish.
Mashg’ulotning metodik ta‘minoti: Qo’shimcha adabiyotlar, labaratoriya ishida ishlatishga mo’ljallangan rasmlar, ma’ruza matni va prezentatsiyalar to’plami.
Texnik vositalar: Kompyuter asosiy va qo’shimcha qurilmalari proyektor elektron doska.
O‘qitish texnologiyalarining shakl va vositalari. O'qitish texnologiyasi - ta’lim maqsadlarini muvaffaqiyatli amalga oshirishga imkon beradigan, nazariy asoslangan, ta’lim va tarbiya jarayonlarini tashkil etishning vosita va usullar to'plamidir [74].
O'qitish texnologiyasi o’quv jarayonining ilmiy jihatdan loyihasini o’zida mujassam etib, bunda o’quv maqsadlari aniq belgilanadi, jarayon bosqichma-bosqich amalga oshiriladi va erishilgan natijalarni yakuniy baholash imkoniyati ta’minlanadi. XX asrning 60-70-yillarida ushbu tushuncha o’qitishning texnik vositalari(O’TV), hozirda esa, pedagogik texnologiyalar, ta’limda axborot texnologiyalari va hokazo ko’rinishlarda e’tirof etilmoqda
O'qitish texnologiyasi bir-biriga bog'liq bo'lgan quyidagi qismlardan iborat:
Informatikadan o’quv jarayonini tashkil etishda o’qituvchining individual harakat usullarini amalga oshirilishi ishlab chiqilgan ko’rsatmalar (didaktik jarayon);
Informatikadan o’quv jarayonini amalga oshirishning tashkiliy shakllari (o’qitish shakli);
Informatikadan o’quv jarayonini amalga oshirishda ishtirok etadigan vositalar (o’qitish vositasi)