Jinoyat, fuqarolik va xo‘jalik ishlarini ko‘rib chiqish tartibini takomillashtirish, bir-birini takrorlaydigan vakolat va instansiyalarni qisqartirish.
Jinoyat ishlarini ko‘rib chiqish tartibini takomillashtirish yo‘nalishida jinoyat protsessiga ijtimoiy xavfi katta bo‘lmagan jinoyatlar to‘g‘risidagi ishlar bo‘yicha sudgacha va sudda ish yuritishning soddalashtirilgan tartibini joriy etish eng asosiy vazifalardan biridir. Sudgacha va sudda ish yuritishning soddalashtirilgan tartibining joriy qilinishi, birinchi navbatda, ishlarga differensial yondashuvni ta’minlab, shaxslarning jinoyat protsessidagi huquqlarini kengaytirish evaziga dastlabki tergov va sudda ishlarning ko‘rib chiqilishi tezkorligi va samaradorligiga erishiladi. YA’ni, ishlarning soddalashtirgan tartibda ko‘rilishi natijasida protsess ishtirokchilarining vaqti tejaladi, sud sansalorligining oldi olinadi, dastlabki tergov organlarida va sudlarda ish hajmi jiddiy kamayadi, bu esa bevosita tergov organlari va sudlar faoliyati sifatini ta’minlaydi.
SHuningdek, O‘zbekiston Respublikasi Oliy sudi Plenumining ishlarni nazorat tartibida ko‘rib chiqish bo‘yicha bir-birini takrorlovchi vakolatlari bekor qilinadi.YA’ni, ishni nazorat tartibida ko‘rib chiqadigan sudning ishni birinchi instansiya sudiga yoxud apellyasiya yoki kassatsiya instansiyasi sudiga yangidan ko‘rib chiqish uchun yuborishga oid vakolatlari aniqlashtiriladi. Jumladan, moddiy va protsessual qonun normalarini buzganlik holatlarini aniqlashdan tashqari, quyi instansiya sudlari tomonidan tayinlangan jazolarni qayta ko‘rib chiqish bo‘yicha kassatsiya va nazorat sud instansiyalari vakolatlarini cheklash nazarda tutilmoqda.
Xususan, O‘zbekiston Respublikasi Prezidentining 2017 yil 21 fevralda qabul qilingan “O‘zbekiston Respublikasi sud tizimi tuzilmasini tubdan takomillashtirish va faoliyati samaradorligini oshirish chora-tadbirlari to‘g‘risida”giFarmonida ham aynan shu masalaga alohida e’tibor qaratilib, sudlarning apellyasiya va kassatsiya instansiyalari quyi turuvchi sudning qarorini o‘zgartirgan yoki bekor qilgan taqdirda, ishni yangidan ko‘rib chiqishga yubormasdan turib, yakuniy qaror chiqarish bo‘yicha vakolatlarini takomillashtirish yuzasidan takliflar ishlab chiqilishini va kiritilishini ta’minlash vazifasi belgilangan.
Kelgusida fuqarolik va xo‘jalik sudlarida ishlarni ko‘rib chiqishni protsessual mexanizmlarini takomillashtirish va bir-birini takrorlovchi vakolat va instansiyalarni qisqartirish bo‘yicha quyidagi ishlar amalga oshiriladi:
