NƏTĠCƏLƏR VƏ ONLARIN MÜZAKĠRƏSĠ Yaşıllıq sahələrini bəzəyən dekorativ bitkilər kimi dovşanalması növlərinin həyatiliyini
yoxlamaq üçün tədqiqatçılar tərəfindən müxtəlif sınaq təcrübə işləri aparılmışdır. Tədqiqatın
gedişində ədəbiyyat məlumatlarında işıqsevən bitki kimi təqdim olunan dovşanalması növlərinin palıd
və şam ağaclarının 0,7-0,8 sıxlığa malik sahələrində, suvarılmadan inkişafı izlənilərək müəyyən
edilmişdir ki, kölgəlikdə bu bitkilərin yeraltı və yerüstü orqanları normal inkişaf edərək generativ
mərhələyə daxil olur və məhsul verirlər [2,5]. Əkin sahələrində bu bitkinin özünü bərpası ana
bitkidən 7-15 m və hətta 100-200 m kənarda da müşahidə etmək mümkündür. Bu da onun
meyvələrinin müxtəlif növ quşlar tərəfindən yeyilməsi ilə əlaqədardır [5].
Tədqiqat illəri ərzində (2011-2015) bəzi dovşanalması növlərinin bioekoloji xüsusiyyətləri
izlənilərək
dekorativlik xüsusiyyətləri qiymətləndirilmiş və istifadəsinin perspektivliyi
müəyyənləşdirilmişdir. Tədqiq olunan növlər 1 saylı cədvəldə əkin tipinə görə təsnifləşdirilmişdir.
