|
Verilənlərin çevrilməsi prosesi əsasən aşağıdakı əməliyyatları əhatə edir:
- verilənlərin tiplərinin çevrilməsi: verilənlərin kodunun dəyişdirilməsi (məs., “UniCode”-a), tarixin və vaxtın lazımi formata çevrilməsi və s.;
- verilənlərin sxeminin normallaşdırılması və ya denormallaşdırılması ilə bağlı olan çevrilmələr;
- açarların çevrilməsi;
- VA-da verilənlərin keyfiyyətinin təmin edilməsi üçün çevrilmələr.
Verilənlərin keyfiyyətini təmin etmək üçün onlar “təmizlənirlər“. Təmizlənmə proseduru aşağıdakıları əhatə edir: verilənlərin formatlarının uyğunlaşdırılması, verilənlərin kodlaşdırılması, lazımsız atributların kənarlaşdırılması, kodun qiymətlə əvəz edilməsi (məsələn, obyektinin kodunun onun adı ilə əvəz edilməsi), müxtəlif mənbələrdən alınan verilənlərin ümumi açar altında biləşdirilməsi (məsələn, müəssisənin buraxdığı məhsullar haqqında bütün verilənlərin toplanması) və s.
Verilənlənlərin təmizlənməsini aşağıdakı tiplərə ayırırlar:
- verilənlərin konversiyası və normallaşdırılması (mətni eyni kodla, vaxtı eyni formatla ifadə etmək və s.);
- adların yazılışının, ünvanların təsvirinin standartlaşdırılması, təkrarlannmaların aradan qaldırılması;
- cədvəllərin adlarının, indekslərin və s. standartlaşdırılması;
- baxılan sahədə biznes-qaydalara əsaslanan təmizlənmə.
Dostları ilə paylaş: | 
