“İnformasiya təhlükəsizliyi” ixtisası üzrə təhsil alan məzunlar dövlət və özəl sektorda informasiya təhlükəsizliyinin təmin olunması istiqamətində bir sıra peşələr üzrə çalışa bilərlər. Əlavə 6-də bu peşələrin və rolların bir qisminin adları nümunə (tövsiyə) kimi qeyd edilmişdir.
Ali təhsil müəssisəsi Təhsil Proqramının məzunlarının məşğulluğuna dair müntəzəm sorğular keçirməli, vakant iş yerlərinə dair məlumatları öz veb səhifəsində yerləşdirməli və əmək yarmarkaları təşkil etməlidir.
Ali təhsil müəssisəsi tələbələrin məşğulluq səviyyəsini artırmaq məqsədilə ustad dərsləri və/və ya seminarları keçmək üçün əmək bazarının nümayəndələrini dəvət edə bilər.
Bu Təhsil Proqramının məzunları təhsillərini aşağıdakı ixtisaslar üzrə magistratura səviyyəsində davam etdirə bilərlər:
060509 - Kompüter elmləri
060631 - Kompüter mühəndisliyi
060632 - İnformasiya texnologiyaları və sistemləri mühəndisliyi
və digər müvafiq ixtisaslar üzrə.
Təhsil müddətində əldə olunan bilik, bacarıq və yanaşmalar məzunların müstəqil şəkildə ömürboyu təhsil almaları üçün ilkin şərtlərdəndir.
