Izlanishlar, yechimlar

, 
“Ayollar daftari”, “Yoshlar 
daftari”, “Mahallabay”
 
va “Xonadonbay” ishlash usullari orqali aholi o‘rtasidagi 
yillar davomida yechim topmay kelayotgan muammolar samarali hal 
etilayotgani e’tirof etildi. Shuningdek, “Obod qishloq”, “Obod mahalla”, “Besh 
muhim tashabbus”, “Har bir oila – tadbirkor”, “Yoshlar – kelajagimiz” dasturlari 
ijobiy natija berayotganini ta’kidladi.
Davlatimiz rahbari bundan tashqari,
 
iqtisodiy taraqqiyot sohasida o‘sish 

---

19
XALQ TA’LIMI:
MUAMMOLAR, IZLANISHLAR, YECHIMLAR
nuqtalarini aniqlash va ularga alohida ahamiyat qaratish, iqtisodiyotni 
modernizatsiya va diversifikatsiya qilish, xususiylashtirish jarayonida 
ularning raqobatdoshligini oshirish, iqtisodiyotda milliy manfaatlarimizni 
mustahkamlashga xizmat qiladigan mutlaqo yangi yondashuvlarni qo‘llashga 
ustuvor ahamiyat berilayotgani, davlat aktivlarini sotishda shaffoflik va 
samaradorlikni ta’minlaydigan kafolatlarni yaratish o‘ta muhimligini yana bir 
bor ta’kidlab, bu jarayonlarning demokratik islohotlarni chuqurlashtirishdagi 
ahamiyatini hayotiy misollar asosida ochib berdi.
Davlatimiz rahbari mamlakat taraqqiyotining oltita ustuvor yo‘nalishi 
haqida so‘zlab,
“Barchamiz bir haqiqatni chuqur anglab olishimiz kerak: 
tadbirkorlik faoliyatini qo‘llab-quvvatlash — fuqarolar, xalqimiz farovonligini 
oshirishning eng samarali yo‘li, Yangi O‘zbekistonni barpo etishning pirovard 
maqsadidir
”, deya islohotlar mohiyatiga asosiy e’tiborni qaratdi. 
Albatta, uy-joy masalasi, aholini yashash uchun qulay bo‘lgan yangi 
turar- joylar bilan ta’minlash hamisha dolzarb vazifa bo‘lgan. Shuning uchun 
bu mavzu Prezidentimiz tomonidan yana bir bor tilga olindi hamda bu borada 
olib borilayotgan ishlar ko‘lami, ertangi vazifalar, qurilayotgan yangi-yangi 
inshootlarning ijtimoiy ahamiyati haqida mulohazalar bildirildi. 
— Kelgusida, — deydi Prezidentimiz, — Uy-joy fondini shunday darajaga olib 
chiqishimiz kerakki, aholining barcha qatlamlari uy-joy sotib olish va bu borada 
tanlash imkoniga ega bo‘lishi lozim. Albatta, bu borada turli muammolar ham 
mavjud va biz ularni joylardagi mahalliy boshqaruv organlari bilan birgalikda 
hal etyapmiz. Misol uchun, ko‘pqavatli uylar oralig‘idagi bo‘sh joylarda qurilishlar 
qilish, moratoriy e’lon qilinganiga qaramasdan, daraxtlarni kesish, yashil 
hududlarni kamaytirish holatlari ko‘pchilikni ranjitmoqda. Ba’zi rahbarlarning 
beparvoligi yoki manfaatparastligi tufayli turar-joy mavzelarida odamlar sayr 
qiladigan, sport bilan shug‘ullanadigan, farzandlari bilan birga toza havoda dam 
oladigan ochiq joyning o‘zi qolmayapti. Albatta, biz bunday holatlarga nisbatan 
qat’iy choralar ko‘rmasdan turolmaymiz. Shuning uchun ham Toshkentda va 
boshqa yirik shaharlarda yangi qurilishlarni shahar tashqarisidagi hududlarda 
amalga oshirish choralari belgilanmoqda. Turar-joy mavzelari ichida kommunal 
infratuzilmalar — gaz, elektr energiyasi, ichimlik suvi va kanalizatsiya tarmoqlarini 
modernizatsiya qilmasdan, yangi binolar qurish amaliyotiga barham berildi.
Mamlakatimizda hayotga katta orzu-umidlar bilan kirib kelayotgan 
yoshlar uchun borgan sari ko‘p imkoniyatlar yaratilyapti. Maktabdan to 
oliy ta’limgacha qamrovini kengaytirish, o‘qishi, ma’naviyatining to‘g‘ri 
shakllanishi, tadbirkorlik ko‘nikmalari, mehnat bandligini ta’minlash yo‘lida 

---

20
A.AVLONIY NOMIDAGI XALQ TAʼLIMI 
MUAMMOLARINI O‘RGANISH VA ISTIQBOLLARINI 
BELGILASH ILMIY-TADQIQOT INSTITUTI
barcha imkoniyatlar yaratilmoqda. Shu bois, suhbatda yoshlar masalasi, ularga 
yaratilayotgan sharoitlar, umuman, ta’lim tizimidagi o‘zgarishlar ham alohida 
mavzu bo‘ldi.