Ájiniyaz atíndaǵÍ NÓkis mámleketlik pedagogikalíq institutí “Tastıyıqlayman” Túrkiy tiller fakulteti dekanı B. Davletov 2021-jıl «MÁmleketlik tilde is júrgiziw»

Úlgiler:
Daǵaza
4.09.2021-jılı saat 10⁰⁰ «Jeńis» oraylıq parkinde jeńil atletika boyınsha jarıs ótkeriledi.
Respublikalıq kásiplik shólkemi.

Daǵaza 1-kurstıń barlıq talabalarına! Studentlik biletlerin toltırıw ushın usı jıldıń 10-sentyabr kúnine shekem dekanatqa pasport nusqalarıńız benen bir dana 3,5x4,5 ólshemdegi súwretlerińizdi tapsırıwıńız kerek. Dekanat

Adresat - qutlıqlaw
«Adres» sózi qaraqalpaq tilinde «xattaǵı jazıw» jegen mánini ańlatadı.
Adresat - jiberilgen xattı alıwshı adam.
Adresant - xat jiberiwshi adam.
Adresat sózi keyingi waqıtlarda jańa mánige iye bolıp, qanday da bir yubiley yamasa basqa bir quwanıshlı waqıya menen qutlıqlawǵa arnalǵan xattı ańlatadı.
Adresat (Úlgi)
Qımbatlı Gúlsánem Aymurzaeva!
NMPIınıń Túrkiy tilleri fakultetiniń jámááti sizdi yarım ásirlik yubileyińiz benen qutlıqlaydı. Qaraqalpaqstan Respublikasınıń xalqı sizdi belgili filolog, óziniń ilimiy miynetleri menen tanılǵan ilimpaz sıpatında tanıydı hám maqtanısh etedi.
Sizge uzaq ómir, baxıt hám dóretiwshilik tabıslar tileymiz.

Dekan docent B.Dáwletov

Sánesi
Tema: Málimleme, tilxat, túsinik xat, isenim xat, xızmet xatları
MÁLIMLEME
Málimleme-bir nárse tuwralı shólkemniń baslıǵına maǵlıwmat beriwshi hújjet. Bul hújjet qol jazbada yaki kompyuterde jazılsa da boladı, hújjettiń sońına avtor imza qoyadı hám sonıń menen tastıyıqlanadı. Onda bayanlanıp atırǵan másele boyınsha usınıslar da keltiriledi. Sol sebepli ishki málimleme hám sırtqı málimleme túrlerine ajıratıladı.
Sırtqı málimleme mákeme baslıǵı tárepinen úlken mákemelerge, hámeldarlarǵa eki nusqada jazıladı, birin avtordıń ózi alıp qaladı.
Oqıw orınlarında oqıtıwshılar hám talabalar tárepinen jazılatuǵın málimlemeler ishki málimleme bolıp, fakultet dekanını yaki kafedra baslıǵına jazıladı.
Málimleme xabar yaki esap beriw mazmunına iye bolıp, baslıqqa sol máseleni sheshiw boyınsha usınıs kiritiw, ótinish yaki xabardar etiw, yamasa is jaǵdayınıń orınlanıw halatı haqqında maǵlıwmat beriwden ibarat. Eger málimlemede kórsetilgen maǵlıwmatlar anıq bir sánege yaki bir waqıyaǵa tiyisli bolsa, usı bólim tekstten ajıralıp, onıń aldına jaylastırıladı. Málimlemeniń zárúrli bólimleri:

1. 
   Málimleme usınılǵan basshı lawazımdaǵı shaxstıń ismi-sháriypi, lawazımı, basqarǵan jumıs orınnıń tolıq atalıwı.
   
2. 
   Málimleme tayarlaǵan avtordıń lawazımı, ismi-sháriypi (zárúr bolsa jumıs ornınıń atalıwı).
   
3. 
   Hújjettiń atı (Málimleme).
   
4. 
   Hújjettiń mazmunı.
   
5. 
   Qosımsha hújjetler bar bolsa, olardıń neshe betten ibarat ekenligi kórsetilgen dizimi.
   
6. 
   Usınıs beriwshi adamnıń qolı, eger olar kóp bolsa barlıǵı qolı qoyıwı kerek.
   
7. 
   Hújjet tapsırılatuǵın sáne.
   

Úlgi:

Kegeyli rayonlıq Xalıq bilimlendiriw bólimine qaraslı 3-sanlı ulıwma orta bilim beriw mektebi direktorı………..........ǵa geografiya páni oqıtıwshısı S.Palwanovadan Málimleme Miynet dem alısımnıń pitiwine baylanıslı 2021-jıldıń 26-avgustınan baslap óz wazıypama kiriskenligimdi málim etemen. 00.00.0000. (qolı) S.Palwanova

Berdaq atındaǵı qaraqalpaq mámleketlik universiteti Tábiyattanıw fakultetiniń dekanı …………………………………….qa usı fakultettiń 3^b kursınıń sárdarı S.Elmuratovadan