Ájiniyaz atíndaǵÍ NÓkis mámleketlik pedagogikalíq institutí “Tastıyıqlayman” Túrkiy tiller fakulteti dekanı B. Davletov 2021-jıl «MÁmleketlik tilde is júrgiziw»

ÁMELIY SHÍNÍǴÍWLAR MATERIALLARÍ


Akt, arza, daǵaza, adresat, mirátnama


AKT
Akt - bul haqıyqıy bolǵan waqıyanıń, jaǵdaydıń, bir zattıń buzılǵanlıǵın yamasa joq etilgenligin tastıyıqlawshı hújjet. Ádette akt úsh yamasa onnan da kóbirek adamlar quramında dúziledi.
Akt izbe-izligi tómendegishe bólimlerden turadı:

1. 
   Akt usınılǵan shólkem, shólkemniń baslıǵınıń lawazımı, ismi-sháriypi, sáne.
   
2. 
   Hújjettiń atı, nomeri.
   
3. 
   Akt dúziwshilerdiń ismi-sháriypi, lawazımı.
   
4. 
   Hújjettiń mazmunı.
   
5. 
   Akt dúziwshilerdiń ismi-sháriypi, imzası.
   

Úlgi:
Akt
№1 korpus boyınsha náwbetshi M.S.Xalmuratov, №1 korpus komendantı D.R.Sultamuratov, korpus qarawılı S.K.Berdimuratov
2020-jıl 20-dekabrden 21-dekabrge óter túnde saat 23⁰⁰ ısıtıw trubası jarılıp №1, №2, №3 bólmelerdiń pollarına suw aǵıp ketkenligi haqqında usı aktti dúzdik hám sonı tastıyıqlap qol qoydıq.
1. M.S.Xalmuratov (qolı)
2. D.R.Sultamuratov (qolı)
3. S.K.Berdimuratov (qolı)
21.12.2021.
ARZA
Arza – belgili bir mákeme, yamasa kárxana baslıǵı atına qanday da bir másele yaki jumıs tuwrali ótinish, usınıs, tilek yamasa shaǵım túrinde jazılatuǵın rásmiy hújjet. Arza kúndelikli turmısta eń kóp qollanılatuǵın hám keń tarqalǵan is qaǵazlarınıń biri.
Arza, tiykarınan, arza jazawshınıń óz qol jazbası menen jazıladı. Ol qısqa hám anıq bolıwı kerek. Ayırım jaǵdaylarda arza bir topar adamlardıń atınan jazılıwı da múmkin, onday jaǵdayda arza tekstti oylasılǵan halda bir adamnıń qol jazbası menen jazıladı, sońına barlıq adamlar qol tańbasın qoyadı.
Hár qanday hújjettiń atı qaǵazdıń ortasına, tek birinshi háribi ǵana bas hárip penen, qalǵanları kishi hárip penen jazıladı.
Arzaǵa kerekli bolǵan hújjetler qosa tigiledi.
Arza óziniń zárúrli bólimlerine iye hám belgili izbe izlikte dúziledi:
1. Arza usınılatuǵın mákeme yamasa kárxananiń atı hám onıń baslıǵınıń ismi-sháriypi. (barıs sepliginde jazıladı).
2. Arza jazıwshınıń mákan jayı yamasa jumıs ornı, lawazımı, ismi-sháriypi. (shıǵıs sepliginde jazıladı).
3. Hújjettiń atı (Arza).
4. Arzaniń mazmunı (tekst-abzac penen jazıladı).
5. Arzaǵa qosımsha kirgiziletuǵin hújjetlerdiń atı (eger olar zárúr bolsa).
6. Arza jazılǵan waqıt (kún, ay, jıl).
7. Arza jazıwshınıń imzası, ismi-sháriypi.