B Beodoblik – axloq odob qoidalariga zid bo’lgan xususiyat, insonning o’z faoliyatida
boshqalar bilan bo’lgan munosabatida iymon, insof, andisha, sharm xayo, insonparvarlik kabi
axloqiy mezonlar chegarasidan chiqishini anglatuvchi tushunchadir. U muayyan maqsad yo’lida va
maqsadsiz amalga oishirishi mumkin. Beodoblik tug’ma xususiyat emas balki tarbiyasizlik
maxsulidir. Beodoblik, qo’pollik yoki xasad yuzaga keltirgan xar qanday kelishmovchilikka qarshi
eng to’g’ri javob sukutdir.
Bilim – borliqni bilishning Seminarotda tekshirilgan va mantiqan tasdiqlangan natijasi,
borliqning kishi ongida tasavvurlar, tushunchalar, muloxazalar, nazariyalar ko’rinishida aks etishi;
kishilarning tabiat va jamiyat voqyea xodisalari xaqida to’plagan ma’lumotlari. Voqyelik xaqida
olingan ma’lumotlarimiz bilim darajasiga ko’tarilishi uchun birinchidan ma’lumotlarning
voqyelikka mutanosibligi, ikkinchidan, yetarli darajada ishonarli bo’lishi, uchinchidan dalillar bilan
asoslanganligi xal qiluvchi axamiyat kasb etadi. Bilimlarni tadqiq etuvchi ta’limot –
epistimologiyada bilimning perseptiv xayotiy va ilmiy bilim shakllari ajratib ko’rsatiladi.
Bilim ko’nikma va malakalarni mustaxkamlash – o’qituvchining o’quv materiallarini
taqdim etish jarayonida mustaxkamlik tamoyilini ta’minlashga qaratilgan maxsus ishlari.
Bilimlarni o’zlashtirish – bilimlar, malakalar va ko’nikmalarni mustaxkam egallashga
qaratilgan bilish faoliyati.
Biologik yosh – bola organizmning individual rivojlanish sur’atlariga bog’liq bo’lgan ko’p
funksiyali balohatga yetish davri. Anatomik – fiziologik belgilar majmui bo’yicha aniqlanadi,
kalendar yoshga ko’pincha mos kelmaydi. Muhim mezonlari: tana proporsiyalari, skeletning
qotishi, sut va doimiy tishlarning chiqish payti, jinsiy belgilarning rivojlanishi bunda bolalarda
individual rivojlanish sur’ati me’yordan 1,5 yilgacha farqlanishi mumkin.
