Фаннинг ўқув режадаги бошқа фанлар билан ўзаро боғлиқлиги ва услубий жиҳатидан узвий кетма-кетлиги
Биогеография табиий география фани таркибидаги асосий умумкасбий фани сифатида 4 семестрда ўқитилади. Дастурни амалга ошириш учун География йўналишининг ўқув режасидан ўрин олган математик ва табиий-илмий (олий математика, физика, кимё, экология асослари), умумкасбий (умумий Ер билими, геоморфология, геология асослари билан) фанларидан етарли билим ва кўникмаларга эга бўлишлик талаб этилади.
Фаннинг ишлаб чиқаришдаги ўрни Бўлажак географ бакалаврлари ўзларининг ишлаб чиқариш фаолиятида, жумладан мактаб, коллеж ва лицейларда ўқувчиларга дарс бериш жараёнида, турли илмий тадқиқот ишларида дала-кузатув ҳамда ўлчаш ишларини ташкил этишларида, улардан хўжаликнинг турли соҳаларида самарали фойдаланишда ушбу фан бўйича, яъни биогеографиянинг шаклланиши, ривожланиши, биохилма-хилликни сақлаш ҳақида олган назарий ва амалий билимларига таянадилар. Шу жиҳатдан “Биогеография” ўқув курси юқори малакали географлар тайёрлаш тизимининг ажралмас бўғини ҳисобланади.
Фанни ўқитишда замонавий ахборот ва педагогик технологиялар
Талабаларнинг “Биогеография” ўқув курсини ўзлаштиришлари учун ўқитишнинг илғор ва замонавий усулларидан фойдаланиш, бу жараёнда янги информацион-педагогик технологияларни тадбиқ қилиш муҳим аҳамиятга эга. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, турли мавзудаги карталар, электрон материаллар ва кўргазмали қуроллардан фойдаланилади. Маъруза ва амалий машғулот дарсларида мавзуга мос илғор педагогик технологиялар қўлланилади.
Асосий қисм
Фаннинг назарий машғулотлари мазмуни
“Биогеография” ўқув курси, предмети, тадқиқот объекти. Кириш, фаннинг мақсади ва вазифалари, ўрганиш объекти ва предмети. Фанлар системасида тутган ўрни, бошқа фанлар билан алоқалари. Биогеография, унинг турлари, фаннинг аҳамияти.
Биогеографиянинг ривожланиш босқичлари
Биогеография ва уни даврларга бўлиниши. Буюк географик кашфиётлар даври, биогеографиянинг фан сифатида ривожланиш даври, биогеографияда эволюцион ғояларнинг ривожланиши, 21-аср биогеографияси. Зоогеография ва геоботаника. Ўзбекистонда биогеографиянинг ривожланиши.
Dostları ilə paylaş: |
