İqtisadi resurslar qarşılıqlı əlaqəlidir. Məsələn, bilik resursundan təbii resursların yeni nəaliyyətlər əsasında daha münasib sərfinə can atıldıqda istifadə olunur. Elm, bilik əməyin keyfiyyət tərəfdən qiymətləndirilməsi zamanı onun əsas elementi kimi çıxış edir, belə ki, ən əvvəl işçilərin aldığı təhsildən asılı olan ixtisaslaşmasına diqqət yetirilir. Bilik (əsasən texnoloji) avadanlıqdan, yəni real kapitaldan istifadə səviyyəsinin yüksəldilməsini təmin edir. Nəhayət bilik (əsasən idarəetmə qabiliyyəti) sahibkara istehsal prosesinin daha mütənasib təşkil edilməsinə imkan verir.
