Kafedrasi anvarova dildora anvarovna

Huquqiy tartibot – bu huquq sub’ektlarining huquq normalarida belgilangan qoidalarga to’la va aniq rioya qilishlari natijasida o’rnatiladigan ijtimoiy munosabatlar tizimidir.
Huquq, qonuniylik, huquq-tartibot – davlat va jamiyat hayotining eng muhim tarkibiy qismlaridir. Biroq huquq-tartibot – huquq yaratiladigan va huquqiy tartibga solishning butun mexa­nizmi ishga solinadigan pirovard maqsad emas. Mazkur maqsad – huquq yordamida u yoki bu ijtimoiy munosabatlarni o’zgartirish, mustahkamlash yoxud siqib chiqarish, ya’ni yo hukmron sinfga yoki bu­tun xalqqa maqbul tartibni o’rnatishdan iborat. Huquqiy tartibga solishning asosiy maqsadi barqaror ijtimoiy munosabatlar va tartibni ta’minlashdan iborat bo’lishi lozim.
Huquqiy tartibotning xususiyatlariga quyidagilar kiradi:

• 
  u huquq normalarida ko’zda tutilgan bo’ladi;
  
• 
  muayyan huquq normalarini hayotga tadbiq etish natijasida yuzaga keladi;
  
• 
  davlat tomonidan ta’minlanadi;
  
• 
  kishilarning hayotini engillashtirib, ularning yanada erkin bo’lishlari hamda ijtimoiy munosabatlarni tashkiliy jihatdan yuzaga kelishi va amalda bo’lishi uchun shart-sharoit yaratadi;
  
• 
  qonuniylikning natijasi sifatida yuzaga chiqadi.
  

19-mavzu. DAVLAT VA HUQUQNING RIVOJLANISH ISTIQBOLLARI
VA YO’LLARI


Mavzuning asosiy yo’nalishlari
Fuqarolik jamiyati va huquqiy davlat.
Fuqarolik jamiyati tushunchasi va belgilari.
Fuqarolik jamiyatining ijtimoiy, iqtisodiy, siyosiy va ma’naviy asoslari.
Huquqiy davlat nazariyasi. Huquqiy davlatning asosiy belgilari va printsiplari.
O’zbekiston Respublikasi Prezidenti I.A.Karimov asarlarida demokratik huquqiy davlat qurish va fuqarolik jamiyatini shakllantirish g’oyalarining ifodalanishi.


1. FUQAROLIK JAMIYATI: TUSHUNCHASI, BELGILARI, TARKIBIY ELEMENTLARI