Samarqand jahonning eng qadimgi shaharlaridan biri hisoblanadi. Samarqand miloddan avval IV asrdan milodiy VI asrgacha Sugʻd davlatining poytaxti boʻlgan. Arxeologik qazishmalardan maʼlum boʻlishicha, yuqori paleolit davrida ham Samarqand hududida odamlar yashagan... Samarqand bunyod boʻlganidan buyon u Oʻrta Osiyoning siyosiy, iqtisodiy va madaniy hayotida katta mavqega ega boʻlib keldi. Shaharning Buyuk ipak yoʻli chorrahasida joylashganligi, bu yerda qadimdan hunarmandchilikning shoyi toʻqish, mashhur Samarqand qogʻozi ishlab chiqarish, kulolchilik, temirchilik, novvoylik, qandolatchilik, badiiy kashtachilik va boshqa turlari hamda savdosotiq ishlarining rivojiga turtki boʻldi.
2001-yilda “Samarqand— madaniyatlar chorrahasi” nomi bilan Yuneskoning Butunjahon merosi ro’yxatiga kiritilgan.
2001-yilda “Samarqand— madaniyatlar chorrahasi” nomi bilan Yuneskoning Butunjahon merosi ro’yxatiga kiritilgan.
O‘zbekiston Respublikasi Prezidentining 25.07.2006 yildagi PQ-426-sonli qarori bilan 2007 yilda Samarqand shahrining 2750 yillik yubileyi o‘tkazildi
Buxoroyi sharif (Sharofatli Buxoro) qadimgi Buxoroning keng tarqalgan nomlaridan biri. Oʻrta asrlarda jahondagi 7 shahar: Makka, Madina, Quddus, Buxoro, Bag’dod, Damashq, Mozori Sharifga diniy markaz sifatida shuhrat qozonganliklari uchun "Sharif" unvoni berilgan edi.
Buxoro shahri Sharqning mashhur qadimiy shaharlaridan biri. Arxeologik maʼlumotlarga koʻra, Buxoroga miloddan avvalgi VI asrda Afrosiyobning kuyovi Siyovush tomonidan asos solingan. Zarafshon daryosining quyi oqimida joylashgan Buxoro shahrida xunarmandchilik, savdo-sotiq bilan bir qatorda ilm fan va diniy ta’limot yaxshi rivojlangani uchun Islom dinining gumbazi nomi berilgan.
O‘zbekiston Respublikasi Vazirlar Mahkamasining 03.01.1996 yildagi 6-son qarori bilan 1997-yilda BUXORO SHAHRINING 2500 YILLIGI YUBILEYI nishonlangan.
O‘zbekiston Respublikasi Vazirlar Mahkamasining 03.01.1996 yildagi 6-son qarori bilan 1997-yilda BUXORO SHAHRINING 2500 YILLIGI YUBILEYI nishonlangan.
1993 yilda “Buxoro shahrining tarixiy markazi” nomi bilan Yuneskoning Butunjahon merosi ro’yxatiga kiritilgan.
