Kasbiy psixologiya
-mavzu. Shaxsning individual xususiyatlari. Shaxsning individual psixologik
Yüklə 5,01 Kb. Pdf görüntüsü
|
|
6-mavzu. Shaxsning individual xususiyatlari. Shaxsning individual psixologik
va yoshga bog‘liqlik xususiyatlari. Reja 1. Temperament haqida umumiy tushuncha.Temperamentning tiplari 2. Xarakter to‘g‘risida umumiy tushuncha. 3. O‘smirlik va o‘spirinlik davrlarida shaxs ijtimoiylashuvining o‘ziga xosligi. 4. Yoshlardagi attraksiya va emotsional munosabatlar. Temperament haqida umumiy tushuncha Odamlar o‘rtasidagi individual - psixologik tafovutlarda psixikaning dinamik deb atalmish xususiyatlari muhim o‘rin egallaydi. Ma’lumki, odamlar xulq - atvor va faoliyat motivlari nisbatan teng bo‘lganda, bir xil tashqi ta’sir etganda, bir-biridan ta’sirchanligiga va ko‘rsatayotgan energiyasiga ko‘ra sezilarli darajada farq qiladilar. Jumladan, bir xil kishi sekinlikni, boshqasi shoshilishni yoqtiradi, bir xil odamlarga xissiyotlarning tez uyg‘onishi xos bo‘lsa, boshqasiga esa sovuqqonlik xosdir, boshqa birovni keskin imo - ishoralar, ma’noli mimika, boshqasini harakatlarda og‘ir - bosiqlik, yuzining juda ham kam harakat qilishi ajratib turadi. Kishining harakatlaridagi o‘zgarishi tabiiy ravishda ko‘pincha tarbiyalangan ustanovkalar va odatlarga, vaziyatning talabi va shu kabilarga bog‘liq bo‘ladi. Ammo so‘z yuritilayotgan individual farqlar o‘zlarining tug‘ma asosiga ega bo‘lishi shubxasizdir. Bu shu narsa bilan tasdiqlanadiki, bunday farqlar bolaligidayoq ma’lum bo‘la boshlaydi, xulq-atvorning va faoliyatning turli sohalarida ko‘rinadi va alohida barqarorligi bilan ajralib turadi. Shaxsning individual xususiyatlari haqida gap ketganda, ularning tug‘ma, biologik xususiyatlariga alohida e’tibor beriladi. Chunki, aslida bir tomondan shaxs ijtimoiy mavjudot bo‘lsa, ikkinchi tomondan biologik yaxlitlik, tug‘ma sifatlarni 69 o‘z ichiga olgan individ hamdir. Temperamentlar individning dinamik qo‘zg‘aluvchan psixik faoliyati jarayonini ta’minlovchi sifatlarini o‘z ichiga oladi. Bu sifatlarning ahamiyati shundaki, ular shaxsda ontogenetik taraqqiyot jarayonida shakllanadigan boshqa xususiyatlarga asos bo‘ladi. Odam temperamentiga aloqador sifatlarning o‘ziga xosligi shundaki, ular odam bir faoliyat turidan ikkinchisiga, bir emotsional holatdan boshqasiga o‘tgan paytlarda reaksiyalarning egiluvchan va dinamikligini ta’minlaydi va shu nuqtai nazardan qaraganda Yüklə 5,01 Kb. Dostları ilə paylaş:
|